| كيكة بالبهآرات الشتويه 😴 | .
المقادير
المقادير السائلة /
- 3 بيضات
- م ص فانيلا سائله
- نص كوب زيت
- نص كوب سكر
- كوب حليب مبخّر اللي ينحط مع الشاي بوني ، وادي فاطمة .. الخ نضيف عليه نص م ك من البهارات الشتوية
وبعدين نسخن الحليب تسخين خفيف مجرّد تدفئة ونخلط البهاررات معه مضبوط بعدين نخلط كل المقادير السائلة مع بعض ونضيفها على
المقادير الجافة /
- كوبين بسكوت لوتس مطحون ناعم
- كوب ونص بسكوت داجستيف أو بسكوت شاي
- نص م ص ملح
- م ك بيكنج بودر
ونصب الخليط بقالب الكيك وندخله لفرن مسبق التسخين مشغل من تحت على درجة 350 فهرنهايت بالرف الوسط تاخذ وقت 25 إلى 30 د .
بعد مانقلبها نزينها بالصوص عباره عن :
- علبة قشطة
- 4 حبات جبن كيري
- ربع كوب حليب مكثّف محلّى
- م ص من البهارات الشتويه
نخلطهم بالخلاط لين يصير صوص متجانس اذا الكيكه دافيه حطي الصوص على طول واذا الكيكه بارده سخني الصوص بعدين جمليها بخطوط من التوفي ورشّي ع الوجه جوز البيكان مكسر أوبسكوت لوتس .. واستمتعي باللذاذه والطرآوه 😋👌🏻
#بهارات_شتويه 👉🏻 على هالهاشتاق ✨
#وصفات_شتويه_عبير_العميره
