كيكة الفانيليا بالجبن والزعتر.
ثلاث بيضات تخفقينهم مع كوب سكر وملعقة فانيليا لمده اربع دقايق.
بعدها نص كوب زيت عادي او زيت زيتون.
ملعقتين اكل روب ويصير كوب يخلي الكيكة تصير ترفه ولذيذه.
نص كوب حليب سائل اخر شي كوبين طحين مع ملعقة كبيره بيكم بودر ورشة ملح تنخلونهم.
تصبون الخليط نصه وفوقه قطع من الجبن مثلث او كيري وترضون زعتر.
بعدها باقي الخليط واخر شي طبقه ثانيه جبن ورشة زعتر.
وبالفرن درجة الحراره ١٦٠ الحديده بالنص.
الوقت ٤٠ الى ٤٥ دقيقه.
طبعا ما اطلعت عدل ميخالف.
المهم الطعم بصراحه ولا غلطه
النتيجه ممتازه.
جربوها تستحق قوية.
وبالعافيه.
