| ✨كيكة العسل اللذيذه 🍯✨|
** مقآدير الكيكة :
1- اصبع زبدة 100 جرام ، ثلاث أرباع كوب سكر بني ، ربع كوب عسل ، ملعقه صغيره ونص بيكنج صودا اللي هو بيكربونات الصوديوم .
2- بيضتين ، م ص فانيلا .
3- ثلاث أكواب طحين ، نص م ص ملح .
” بقدر صغير على نار هادئة مره :
نحط الزبده مع السكر والعسل ونذوبهم بدون غليان لا يغلي الخليط أبد بس مجرّد يتجانسون ويصير الخليط دافي .. في هالحاله نرفعه من النار ونضيف البيكربونات ونحرّك بسرعه لين يندمج بعدين نجي للبيضتين والفانيلا نخفقهم مع بعض بالشوكه ونصبّهم شوي شوي ع الخليط ونستمر بالخلط لين يصير عندي الخليط متجانس مره ..
الحين الخليط كامل نصبّه ع الطحين المخلوط معه الملح ونقلّب بالملعقه لين تتكوّن عندي العجينه بدون عجن كثير مجرّد تجميع للمقادير .. .
** الحين العجينه راح تكون دافيه نغلفها بالنايلون مضبوط بعدين نخليها بالثلاجه ربع إلى نص ساعه بس تتماسك شوي عشان الفرد يكون مره سهل ومرتّب .. بعدين نقسمها 8 أو 10 قطع ونفرد كل وحده بين طبقتين ورق زبده وبعدين نضغط عليها بأي صينيه دائريه عندكم إذا تبونها كبيره أو صغيره حجم الصينية اللي صلحت فيها : 9 انش ,
بعدين نغززها بالشوكه عشان ماتنتفخ بالفرن
و يصير استواءها واحد .. ندخلهم لفرن مسبق التسخين مشغل من تحت على درجة 180ْ ْوما تطول عن 5 دقايق عشان ما تنشف ! نجمعهم كلهم بمنشفه نظيفه بعدين نصير
مجهّزين الحشوه عباره عن :
علبة حليب مكثف محلّى مكرمل 397 جرام + جبنة فلاديفيا ٢٠٠ جرام + اصبع زبدة ١٠٠ جرام باردة + 3 م ك سكر بودرة
نخفقهم كلهم مع بعض لين يصير ناعم وكريمي بدون تكتلات ..
نبدأ نرتب الطبقات أول شيء شريحة من الكيكة بعدين الحشوه بعدين الشريحة الثانيه وهكذا لين نخلص كل الطبقات ونغطيها بالحشوه من كل الجوانب ونواسيها زين بعدين نخليها بالثلاجه تتماسك بعدين نضيف شوي من الكريمه ونثبت الفُتات ..
** الفُتات عباره عن : الحواف نجمعهم مع بعض ويصير محمّصينهم زين عشان مايصير اللون فاتح حلاته لونه عسلي وسط مو فاتح مره ولا غامق بقوه نحط الحواف بمحضرة الطعام مع أي مكسرات محمّصه نحبّها : لوز ، بندق ، جوز البيكان ، عين الجمل .. الخ نطحنهم طحن ناعم بعدين نثبته بشكل مرتب ع الكريمه ونخلي الكيكة بالثلاجه ليله كامله أو 24 ساعه بعدين قبل التقديم بنص ساعه نطلعها ونجمّلها على حسب الذوق واستمتعو باللذآذه .. عليكم بألف عافيه 🥰✨
* الوصفة بالتفصيل مثبّته بالهايلايت 👌🏻
