| كيكة العسل السهله واللذيذة 🍯✨|
طريقة جديدة سهله غير عن المعتاده 😍
نبدأ بمقادير الكيكة :
- 200 جرام زبدة يعني اصبعين تكون ليّنه مره
- 3 بيضات
- م ص فانيلا
- نص كوب سكر
- ثلث كوب زيت
- كوب عسل
- 110 جرام زبادي
- 5 أكواب ونص طحين متعدد الاستعمالات أو الخاص بالحلويات
- ملعقه كبيره ونص بيكنج بودر
- م ص ملح
. نخلط الزبدة بالسلك اليدوي مع السكر والبيض والفانيلا بعدين نضيف الزيت والعسل والزبادي ونخلطهم مضبوط مع بعض بعدين ننزل المقادير الجافه مخلوطه مع بعض ونعجن باليد لين يصير
عندنا القوام متماسك وطري .. نقسم الخليط جزئين على صينيتين مستطيلات مقاس وسط نفس الحجم ونفردهم بعدين نغززهم بشكل عشوائي بالشوكه وندخلهم فرن مسبق التسخين مشغّل من تحت بالرف الوسط على درجة حرارة 180 تاخذ من 20_25 دقيقه
وبعدين نخليهم يبردون تماماً .. الحين على راحتك تحشينهم مربى أو كاراميل ثقيل أو
صوص كيكة العسل اللذيذ عبارة عن :
- علبة حليب مكثف محلّى الحجم الكبير
- علبة جبنة فلاديفيا ٢٠٠ جرام أو ١٢ حبة جبن كيري
- ٣ م ك سكر بودرة
- كوب ونصف = ٣٧٥ مل كريمة خفق تكون باردة جداً
أول شيء نصلح التوفي بقدر الضغط يسمّى ( دولتشي دي ) تجيبون علبه زجاج تتحمل الحراره وتفرغون فيها الحليب المكثّف المحلّى وتقفلونها مضبوط وتعبون القدر ماء بحيث يغطي العلبه وبعدين تقفلون القدر وتخلونه من ساعه الا ربع إلى ساعه على نار هادئه وبعدين تخلونه لين يبرد تماماً و تفتحون العلبه انتبهو تفتحونها وهي حارّه ( هذي الحركه دايم أصلحها ولا ألذ منها ) اللي ماتعرف لها عادي تشتريه جاهز اسمه : ( دولتشي دي dulce de ) بس مو دايم متوفر بسهوله زي الحليب المكثف المحلى أو استخدمي الكاراميل الجاهز اللي يجي قوامه ثقيل بعلبة زي المربى ، بعد مايبرد نفرغه بصحن ونحركه بالسلك اليدوي لين ينعم ونخليه على جمب بعدين نخفق الكريمه لين تنتفش وبصحن ثاني نخفق الجبن مع السكر لين ينعم وبعدين نضيف الجبن ع الكريمه ونخفق لين يندمج ثمن نضيف التوفي ونخفق بهدوء لين تندمج المكونات كلها مع بعض وبعدين نخليها بالثلاجه تتماسك بعدين نحشي فيها الكيكه بالوسط ومن فوق والأطراف تكون متحمره نقصصها ونفتتها ونغطّي فيها الوجه + جوز هند محمص مررررره مناسب جوز الهند المحمص مع هالكيكه وطعمه يمممم 😋👌🏻 .
و عليكم بألف عافيه ♥️
