النهاردة هنعمل وصفة جميلة جداً الا و هى كيكة الطاسة، كيكة هتتعمل فى طاسة على النار من غير فرن ولا اى حاجة … يلا بينا.
المقادير
- ١٠٠ جرام زبدة سايحة
- نص كوباية كاكاو
- ٣٥٠ مل لبن
- كوباية و نص دقيق
- كوباية سكر
- بيضتين
- باكو ڤانيليا
- باكو بيكنج باودر
طريقة التحضير
هنحط الزبدة و عليها الكاكاو و السكر و نقلب بعد كدة نضيف اللبن و نضيف عليه الدقيق و البيض و نقلب كويس جداً.
نولع النار على اوطى حاجة و نغطى، انا اخدت معايا ٣٥ دقيقة تقريباً، ممكن تطول.
بعد كدة فتحت عليها، حطيت فيها خلة طلعت زى الفل على طول اديتها بقى صوص شوكولاتة من فوق دلع الدنيا اخر دلع و ممكن تديها اى اضافات تانية انت عايزها 😍
جربوا الكيكة، سهلة و سريعة و قولوا لنا رأيكم 😍😍
