| كيكة الدُّخْن بالتّمر |
الدُّخْن عبارةٌ عن نبتةٍ تُشبه سنآبل القمح ، تنتشر في القارتين آسيا وأفريقيا .. تُطحن الحبوب المُستخرجة منها ويُستعمل الدّقيق المحضّر منها في وصفات كثيرة .. عندي دُّخْن طعمه يهبّل مررره فرق عن اللي آخذه من المحامص .. حرمه حايليه هذا حسابها : @hailih6 تجيب نوعية ممتازه تنقّيه و تحمسه وتطحنه و تحط عليه الصراحه أدمنته فضييييييع مع التمر ماينشبع منه خلاص اعتمدتها ما آخذ إلا منها وشكراً للعنود @aneedaaa_healthy اللي عرّفتني عليها صددددق فرق عظيم لأني جرّبته من بعض المحامص طعم مغبّر ما حبّيته أبد 💔
المقآدير + الطريقة :
( استخدمت الملاعق والأكواب المعيارية ونقطة مهمّة قبل ما أشرح تكون كل المقادير بحرارة المطبخ ) ..
1- “نص كوب تمر معجون مذوب بنص كوب ماء حار” نغطّيه شوي يلين التمر بعدين نهرسه مع مويته .
2- بالعجانه نستخدم مضرب الـ k نخفق :
100 جرام زبدة بحرارة المطبخ + ثلثين كوب سكر بني لمن يندمجون مع بعض ويصير القوآم كريمي فاتح نبدأ نضيف البيض حبّه لين تختفي بعدين الثانيه والثالثه .. “3 بيضات + م ص فانيلا”
3- الحين نضيف مهروس التمر + علبة زبادي 170 جرام بحرارة المطبخ .
بكذا يكون خلصنا من المقادير السائله ..
4- نضيف المقادير الجافّة عباره عن :
كوب ونص دخن محموس + كوب حليب بودرة محموس + ملعقتين معياريه صغيره بيكنج صودا ممسوحه + م ك قرفة مطحونه .
نخلطهم كلهم مع بعض بالسلك اليدوي بعدين نضيفهم على المقادير السائله ونخلط بخفّه بإتجاه واحد ولا نكثر خلط ..
5- الحين الخليط جاهز إذا تحبّون تحطونه بصينيه وحده أو قوالب الكب كيك زي ما سوّيت قبل ما نحط الخليط ندهن القوالب ” بزيت أو زبده أو طحينه ” و على الوجه نضيف المكسرات اللي نحبّها أضفت جوز هند محموس + بندق محموس ،
ممكن تضيفون .. جوز أو فستق أو لوز أو سمسم
أو حبة سوداء على ذوقكم ..
6- ندخلهم لفرن مسبق التسخين على درجة 180ْ بالرف الوسط مشغّل من تحت تاخذ وقت
من 15 – 20 د .
حلآتها تتقدّم دآفيه وإذا تحبّون تضيفون معها كاراميل أو صوص البتر سكوتش رهيب يناسب أي كيكه فيها تمر الطريقه من ( توب شيف )..
150 جم زبده يعني اصبع ونص
250 جم سكر بني غامق
300 مل قشطة خفق
ذوبي الزبده و السكر مع بعض على حراره وسط إذا بدأ السكر يذوب . شيلي الخليط من الحراره وحطي الكريمه و رجعيها عالنار لين تبدأ تغلي . صفّي الخليط و أحفظيه في الثلاجه ..
إذا الكيك حار صبّي الصوص وهو بحرارة المطبخ لايصير حار وإذا الكيك بارد سخّني الصوص ..
صحّه و عآفيه على قلوبكم ♥️
#كيكة_تمر_عبير_العميره
