صبحكم الله بالخير جميعا 🤚 اخواني المداومين واخواتي المتابعين من كل مكان خل افرحكم في كيكة 🍩🍰🎂 من ابتكاري الغير مسبوق بالمطبخ كيكة البلاليط الكويتيه الي اهي الشعريه الحلوه داخل خبز الصاج مع قرص البيض المقلي المالح طبخه قويه قويه وناطعه وخنينه وشكلها جميل لاتطوفكم لا تشترونها من احد تره سهله انتو سووها بأيدكم ودزولي على الخاص لاتشترونها الفديو كامل على قناتي باليوتيوب الصراحه تسوه التعب والشغل سووها وادعولوالدي اول شي جهزت المكونات شعرية المطاحن كيسين كوب زيت نص كوب سمن وكوبين سكر وكوب سكر ناعم عدد 8 بيضات عدد ٦ خبزات صاج ماعون تيفال مدور ملعقتين كبار هيل نص كوب زعفران منقوع وملعقة ملح ومعلقه وسط هيل وملعقه وسط فلفل اسود للبيض اول شي دهنت الماعون وصفيت الخبز الصاج وسويت قرص البيض ونزلته بوسط الماعون وطبخت الشعريه بالماء المغلي ونزلت عليهم كوبين سكر وملعقتين هيل ومنقوع الزعفران وكوب زيت وخليت الشعريه تتشرب وبعد ما استوت نزلتها على قرص البيض وعلى خبز الصاج وسكرت الخبز على الشعريه عدل ودهنت الخبز ودخلتها الفرن حرارة ٢٠٠ لمدة ٣٥ دقيقه لين استوت وقلبتها وزينتها بالسكر الناعم والجوز وورده جميله مثلكم 🌹 وسهمكم العافيه اذا عجبكم المقطع لاتسوني باللايك والطريقه كامله على قناتي في اليوتيوب لحد ينسبها لنفسه ويبيعها تره سهله اذا احد ببي يسويها ويطبخها ويحطها في حسابه محلل بس عندي طلب يذكر اسمي وحسابي يقول هذي طريقة اسامه القصار لاينسبها لنفسه وجذي عليه بألف عافيه ومحلل 🌹🌹
