كوكيز عبورآ بالبهآرات الشتويه

| كوكيز عبورآ بالبهآرات الشتويه |

لمن تمشون ع المقآدير بالضبط راح يكون عندكم كوكيز ناجح ميه بالميه 👌🏻 ” بالبدايه أقولكم استخدمت الملاعق والأكواب المعياريه .

المقآدير رقم (1) :
بيضه + كوب سكر بنّي ناعم غامق أو سكر الدّبس تحصلونه بالتميمي فضييع مع الكوكيز 👌🏻 + اصبع زبده 100 جرام بحرارة المطبخ نخلطهم بالخلاط لين تمتزج الزبده مع المكونات وبعدين نضيف نصف كوب دبس التمر + م ص فانيلا ، و نخليهم يمتزجون مضبوط 👌🏻 : .

المقآدير رقم (2) :
3 أكواب طحين أبيض + ملعقه ونص ص بيكنج بودر + ثلاث أرباع م ص بيكربونات الصوديوم + ملعقتين ص من البهارات الشتويه عباره عن : ( ملعقتين شاي قرفه مطحونه ، ملعقه شاي زنجبيل بودره ، ربع ملعقة شاي قرنفل مطحون ، ربع ملعقة شاي كركم ، نص ملعقة شاي فلفل أسود مطحون ، ربع ملعقة شاي ملح ) .
يعني نطحن كل شيء لحاله بعدين نخلطهم وناخذ منهم ملعقتين صغيره ، وبعدين نخلط كل المكونات الطحين والبيكنج بودر وبيكربونات الصوديوم والبهارات مع بعض .

ثمن نضيفهم فوق مقادير رقم (1) ونخلط خفيف ما نطول بالخلط بعدين نعجنهم باليد ونقسمهم مجموعتين وكل مجموعه نغلفهم بالنايلون ونخليهم بالثلاجه أقل شيء
نص ساعه .

وبعدين نفردهم بين طبقتين من ورق الزبده نفردهم مره رفيع و بالقطاعه تقطعينهم بالأشكال اللي تحبّين وبعدين تصفّينهم بالصينيه وتدخلينهم فرن مسبق التسخين على درجة 375 فهرنهايت بالرف الوسط والنار مشغله
من تحت فقط تاخذ من 8-10 دقايق فقط .

وتخلونها تبرد و تقدّمونها على حسب ذوقكم ❤ #كوكيز_عبورا