*كوكيز شوكلاته 🍪 *
خطييييير و مضبوط ميه بالميه 👌🏻
ألذ كوكيز شوكلاته ذقته لحد الآن 😋👍🏻.
بس اللي عليكم تنتبهون للمقادير وأبشركم سهل جداً جداً 👍🏻👍🏻
المقادير
- اصبع زبده = ١٠٠جرام ( بحرارة المطبخ ).
- كوب سكر بنّي .
- ثلاث أرباع كوب سكر أبيض .
vم ص فانيلا . - بيضه .
- كوب ونصف طحين أبيض متعدد الاستعمالات .
- نصف م ص ملح .
- نصف كوب شوكلاته بودره ( المُرّه ) .
- ثلاث أرباع كوب هيرشيز تشيبس . ( شبه محلّاه )
طريقة التحضير
١- نسخّن الفرن على درجة حراره ٣٢٠ فهرنهايت =
١٦٠ مئويه .
٢- نخلط الزبده مع السكر البني والأبيض لين يمتزجون مضبوط ثمن نضيف الفانيلا والبيضه .
٣- نخلط الطحين مع الشوكلاته البودره والملح بعدين نضيفهم على خليط الزبده ونعجنهم .
٤- آخر شيء نضيف الهيرشيز تشيبس .
٥- في صينيه قصيرة الحواف نضيف ورق زبده وناخذ من الخليط كور ونترك بينهم مسافات بسيطه ونضغط ع الكور على خفيف من فوق وندخلهم الثلاجه أقل شيء نص ساعه وبعدين ندخلهم على فرن حار .
٦- راح تاخذ وقت من ( ١٠- ١٥ ) دقيقه فقط 👌🏻.
** تنبيه مهم **
إذا حطيتو الطحين ماتخلطون كثير بس مجرد يختفي الطحين مع الخليط توقفون لأن كثرة الخلط والعجن تخليه ينشف .
وفيه نصائح مهمّه ع الهاشتاق #نصائح_كوكيز_عبير_العميره ياليت تقرونها 🙊
١- المقادير مضبوطه ميه بالميه ومافيها بيكنح بودر ولا بيكربونات الصوديوم .
٢- تقدرون تحشونه أي حشوه تحبون .. نوتيلا ، جالكسي ، كراميل ، حلاو بقر .. الخ .
وجعله صحّتين وعآفيه على قلوبكم 💜✨
