| كوكيز بار محشي سولتد كرآميل |
لذيييييييذ خصوصاً اللي يحبون يحسون بطعم الملح مع الحلا 😋👌🏻
الطريقة :-
1- نحتاج 180جرام زبدة نذوبها ع النار ونتركها تبرد بجو المطبخ ، ثمن إذا بردت نضيف عليها كوب سكر بني ناعم رطب + نص كوب سكر أبيض ونخلط لين يتجانس السكر مع الزبده .
2- ثمن نضيف ( بيضه كامله + صفار بيضه + نص م ص فانيلا سائله ) ونخلط من دقيقتين إلى ثلاث .
3- ثمن نضيف كوبين طحين أبيض متعدد الاستعمالات مع ملعقتين كبيرة من الطحين ( يعني نضيف كوبين وزيادة ملعقتين كبيرة ) + نصف ملعقه صغيره بيكربونات الصوديوم + نصف ملعقة شاي صغيره ملح .. طبعاً نخلطهم مع بعض ثمن نضيفهم على خليط الزبده وبعدين نضيف كوب ونص هيرشيز تشيبس (شبه محلّى) ونعجنهم مضبوط
4- بعدين نجيب صينيه مربعه 9 انش ونقسم العجينة قسمين نفرد القسم الأول بالصينيه .. 5- نذوب 280 جرام حلاو توفي أي نوع + ملعقتين كبيره كريمة خفق نذوبهم مع بعض بالمايكرويف أو على نار هاديه ، نفرد خليط الكاراميل على القسم الأول من عجينة الكوكيز ونترك مسافة 1 سم من الحواف ونرش عليه ملح بحري خشن وبعدين نفرد القسم الثاني فوق الكاراميل ناخذ شوي شوي نفردهم باليد ونحط فوق الكاراميل لين تنتهي الكمية ونرش على وجه الكوكيز ملح بحري خشن رشة خفيفه .
6- ندخل الصينيه لفرن مسبق التسخين على درجة حرارة 350 فهرنهايت بالرف الوسط ويكون مشغّل من تحت أخذ معي تقريباً 20 دقيقه وبعد ما نطلعه من الفرن ما نلمسه ولا شيء نخليه لين يبرد على راحته بعدين نقطعه مربعات أو مستطيلات على حسب الرغبة .
وعساه بألف عافيه على قلوبكم 💜
ملاحظة / الأكواب والملاعق المعيارية .
