اللهم بعدد احرف القرآن اسعد قلب كل من ذكرك وصل على نبيك.
. .. …كب كيك التمر……بطريقه اجراميه😍😍باين لكم كميه اللذاذه ماشالله
ادمان يجنن ولذيذ وكل شي حلو
مع ان مافيه نكهة التمر لكن يجنن
المهم نبدا 👏🏼👏🏼👏🏼
اول شي كوب تمر وحطي عليه نص كوب ماء مغلي وخليه على جنب ٥ دقايق بعدين حطيه بالطاحونه واطحنيه ناااعم
بالمضرب الكهربائي:
٣ بيضات
نص كوب سكر
م ك فانيلا بودرة او سايله
واخلطيهم لما يتضاعف حجمهم ويفتح اللون
بعدين بالتدريج اضيفي
نص كوب زيت
علبة زبادي
واضيفي التمر اللي طحناه
واخلطيهم
بعدين اضيفي
كوبين طحين
م ك باكينج بودر
م ك قرفه مطحونه
ورشة نسكافيه
واخلطيهم اذ كان الخليط مره ثقيل اضيفي شوي ماء ماعندك مشكلة
ووزعيهم بقوالب مدهونات زيت ودخليهم الفرن يكون مشغل من قبل
اول شي من تحت تقريبًا ١٥ الى ٢٠ دقيقه وبعدين حمريهم من فوق
الصوص :
اختاري الاسهل لك:
نص نستله
٥ حبات جبن
٢ م ك حليب بودره اخلطيهم ووزعيهم
بالنسبة لي احطهم بكيس وادخليهم الفريزر ربع ساعه عشان ما يذوب ويبقى على شكله اذ خططته
الصوص الثاني وصراحه مره لذيذ:
بقدر كاتم حطي ماء وعلبة نستله مقفله شيلي الورقة اللي عليها وحطيه مع نص حبه ليمونه عشان ما يصير قدر الكاتم اسود
ووسكري الكاتم وخليه يطبخ ساعه كامله على نار متوسطة اقرب ماله هاديه يعني
وبعدين استخدميه صراحه مره لذيذ
*بالصورة هذا الصوص المستخدم*
واذ انتي كريمه حطي كل الصوصين سوى😂👌🏼وزيني الوجه بجوز هند محمص او فستق او لوز او حبات تمر سكري اللي تفضلين
وعليك بالعافية
@fto4479
