| كبسة أرز بالمكسرات 🤩✨| أول شيء الدجاج ينظف ويسلق بالماء ونشيل الزفره كلما طلعت بعدين نضيف البصل قطع كبيره والبهارات العدلة ( ورق غار ، هيل ، كزبرة ، أعواد دارسين ، فلفل أسود ) + بهارات بيضاء + بديل ماجي والملح ..
بعدين إذا استوى الدجاج نصفّي المرق و نحط الدجاج بالصينيه ونسوي له الخلطه مكوّنه من : ملعقه صغيره كركم وملعقه صغيره معجون طماطم وفلفل أسودوكمون وندهنه بالكامل بالخلطه ثم ندخله الفرن يتحمر من فوق ✨
الحين نكون منقعين الرز ونضيفه للمرق ونوازن الماء و نضيف الفلفل الاحمر والأخضر ونتركه على نار عاليه حتى ينشف الماء بعدين نكون مجهزين الكشنه .. * الكشنه عباره عن :
بصل مقطع مكعبات نحمسه أول شيء بدون زيت إلى أن يتغير لونه اذا بدت اطرافه تاخذ لون نضيف رشة من الماء ونكرر هالحركه لين ياخذ لون حلو ثم نضيف الزيت والمسمنه والكركم وبعدين نضيف الزبيب ونحرّكه مع الكشنه شويات ويستوي .
بعدين نضيفها فوق الرز وخلاص نقصّر على الرز لين يستوي زين ثم نرتبه بالصحن مع الدجاج والكشنه ونرش عليه المكسرات المقليه :
صنوبر ، لوز ، كاجو .، صحّه وعافيه على قلوبكم 💓
.
.
تكملة الصور والمقاطع بالبوست الثاني > 🤩✨
