طريقة كبدة الدجاج بدبس الرمان والكريمة بطريقة المبدع الشيف صدقي ذقتها من يده في مطعم الكمبنسكي امارات مول كانت خطيرررة موووت🤦🏻♀️
المهم لاني حبيتها طبقتها واقولكم لاتفووووتكم👌
الفكرة الزيت الي بالبداية ياخذ الزفر وبعدها نطشه ، الكبدة تصير معاك مريحة للاكل والطعم في الفم
المقادير
- نص كيلو كبدة دجاج
- نص كوب بصل مكعبات
- م ك ثوم
- ربع كوب بقدونس مفرومه
- م ك شطة او هريسه
- نص م ك ملح / فلفل اسود
- كوب كريمة
- ثلث كوب دبس رمان
- للتزين مكسرات وبقدونس
طريقة التحضير
١. بالقلاية كمية زيت حامية / نحط الكبدة دقيقه تاخذ لون ونصفيها
٢. بنفس القلاية شوي زيت زيتون ونحمس البصل ونضيف الثوم لين تطلع ريحته نحط البقدونس نحمسهم ثم نضيف الكبدة والشطة
٣.نضيف الكريمه والدبس ونقلبهم يتسبكو دقيقتين الى ثلاث ونغرف ونزين
لا تنسوني من دعواتكم وعوافي ❤️💐 ٠
