كبة بندوره شو طيبه هالاكله البسيطه .
عفوا على الازعاج بالفيديو ما كانو يطفو الاغاني وانا اصريت صور كبة البطاطا فصوتي بالفيديو ان شاءالله يكون مفهوم 🤪
شوفو شو سهله .
برغل اسمر ناعم بينحطلو شوية ماء وملح وبهار الكبه
. . بندوره – فلفل حر – نعنع – عصير ليمون – بصل – زيت زيتون – دبس رمان
البندوره لازم تكون حمرا و بس نحطها عالبرغل منكبسها بئيدنا لتطري البرغل اكتر واكتر مناكلها بالخبزه وكتير طيبه حدها المقالي .
متوفره بمطحنة جوهرة لبنان حولي خلف سوق المعلم او اذا بدكن تعملوها كتير طيبه للكبه للبطاطا المسلوقه حتى منرشها اوقات عالبيض المقلي . .
مكونات بهار الكبه منقلها تحويحه .
هالبهار الخاص بالكبه هيدي طريقة امي .. .
نص كيلو كمون حب/ ١٠٠ غرام فلفل حلو/١٠٠غرام قرنفل /١٠٠ غرام فلفل اسود/١٠٠غرام نعنع يابس /٥٠ غرام فلفل حر احمر/ مردكوش ١٠٠ غرام/ درسين عيدان ١٠٠ غرام /حبتين جوزة الطيب/ كمشة ورد يابس متل يلي بزينو في المهلبيه
منطحن الكمون بعدين والفلفل الحلو بعدين والفلفل الاسود و القرفه ( درسين) و جوزة الطيب
يعني كل نوع منطحنو لحالو
النعنع اليابس بئيدنا و المردكوش اليابس بئيدنا والورد اليابس عئيدنا
نخلط كل انواع البهار وبسير عنا خليط بهار اسمو تحويجه
