أول شيء راح أكتب مقادير العجينه وهذي الكميه قليله تنفع للي تبي تسوي نوع واحد فطيره كبيره زي ما صلحت أو عائله صغيره يعني وحدها توها متزوجه تصلحها وتقسمها أشكال بيتزا وفطاير راح تكون على قدّكم 😍👌🏻
العجينه :-
كوبين ونص دقيق أبيض
م ك خميره
م ص بيكنج بودر
٢ م ك سكر
م ص ملح
٣ م ك حليب بودره
نخلط المكونات الجافه بالعجآنه وبعدين نضيف عليها ربع كوب زيت + كوب وربع ماء دافي .
ونخليها تنعجن ربع ساعه تقريباً بعدين ترتاح نصف ساعه تتخمر ويتضاعف حجمها ونرجع نعجنها ١٠ دقايق وبعدين نخليها تتخمر ساعه تقريباً أو لين يتضاعف حجمها وتطلع ولا أروع 😍👌🏻
افردها على ورق زبده ماتحتاج طحين ولاتلزق ولا تتعب في الشغل وبعد الخبز طريه ولذيذه وماينشبع منها صلحوها و بتدعون لي ♥️♥️ .
ثاني شيء الحشوه عباره عن :
١- دجاج صدور سلقتها وفتتها بالخلاط .
٢- في التاوه ع النار احمس البصل المفروم مع الفلفل الحار المقطع لقطع صغيره وفص ثوم مهروس .
واحركها لين ياخذ البصل لون ذهبي .
٢- أضيف الدجاج والبهارات والملح والأعشاب اللي تحبونها ( اوريغانو – نعناع مجفف – بهارات ايطاليه )
٣- أضيف جزر مبشور وأحركه مع الدجاج لين يتمازج .
٤- أضيف شوي كريمة طبخ مع الجبن وأخلطهم مع بعض .
٥- آخر شيء أطفّي النار وأضيف بقدونس مفروم + كزبره مفرومه .
٦- وإذا تحبون تضيفون بطاطس مقلي مكعبات بعد لذيذ 😋👌🏻
وبالعافيه على قلوبكم الحلوه 💋😘♥️ .
#وصفات_رمضان_عبير_العميره#مخبوزات_عبير_العميرة
