أحدث الوصفاتالساندوتشات والمعجنات

فطاير دجاج

فطاير دجاج

‎للعجين استخدمت عجينة العشر دقايق بس
‎استبدلت بعض المكونات
‎🍕لمقادير العجين: استخدمت كوب معياري ٢٥٠مل
‎بوعاء العجن بنحط ملعقة كبيرة سكر ومعلقة كييرة خميرة فورية وكوبين طحين وكوبين ماء دافي بنحركهم وبنغطيهم عشر دقايق.
‎بعد عشر دقايق بنحط ثلاث اكواب طحين (اكثر او اقل حسب حاجة العجين) وثلاث معالق حليب بودرة ونصف كوب زيت زيتون ورشة ملح وغطيتها وريحتها ساعة كاملة بامكانكم تستخدموها مباشرة بس انا ريحتها ساعة كاملة.
بنقطع العجين لقطع متوسطة بتعمل حوالي من ١٢ دائرة حجم الدائرة الواحدة ٩٠ غ بنوخذ كل قطعة وبنفردها وبنحشيها بالحشوة وبنحط ع الوجه جبنة موزريلا ( تكون بحرارة الغرفة) وبنسكر الاطراف وبنلفها بشكل رول.
بنرتبها بصينية فرن وبنترك بينهم مسافة وبنغطي العجين وبنريحها ٢٠ دقيقة.
بدهن العجين بصفار البيض مع الفانيلا ومعلقتين حليب سائل وبدخلهم فرن محمى مسبقا عحرارة ٢٠٠ الرف الوسط لافران المرواح ومن تحت ثم فوق لافران الكهربا حتى تستوي تماما وبس نطلعهم من الفرن بنغطيهم بفوطة رطبة.
لحشوة الدجاج: بمقلاة بضيف زيت زيتون وبعدها البصل والفلفل الحلو واخر شي صدور الدجاج مقطعة بحجم صغير

بنضيف التوابل التالية ( ملح، فلفل اسود، كزبرة، بهار عثماني، ثوم بودرة، بابريكا)
واخر شي بنخلط معلقة كبيرة من الصوصات (كاتشب، مايونيز، صلصة فرنسية، باربكيو صوص)

زر الذهاب إلى الأعلى