فطاير الدجاج المسمسمة
استخدمت خليط فطاير جاهز عجييييب عجيييب من كالدو
سويت كوبين من الخليط وملعقتين زبدة وملعقتين زيت واقل من كوب ماء
العجينة طرية جدا
الحشوة
في المقلاة زيت وبصل لين يذبل ثم اضيف صدر دجاج مقطع صغير وثوم وزنجبيل واذا استوى الدجاج حطيت ذرة وجزر وبهارات ( ملح وفلفل اسود وبهار ايطالي وبهار ماجيك وشوي كركم) واضيف البقدونس ومقدار ملعقة ونص كريمة طبخ واقلبه شوي
بعد ماتتخمر العجينة اقسمها كرات صغيرة بحجم الجوز واغمسها في ( ملعقتين دبس تمر وملعقة ماء مخلوطين) ثم سمسم واحطها بصينية
بقاع بيالة شاي اغمسها بطحين واسوي حفرة بالعجين
احط حشوتي وممكن تحطين حسوة بيتزا الي ودك
ثم موزاريلا واتركها تتخمر ربع ساعة
ثم ادخلها الفرن من فوق وتحت حرارة ٢٠٠ م تقريبا ١٠ دقايق
وصفات مشابهة
