| عجينة بالزعفران الأصلي طريّه قطنه 💋 |
الزعفران زعفران المعشوق يهببببببل أنصحكم تجربونه ريحه وطعم ولون خيال أصلي 100% …
* طريقة العجينة :
أول شيء في صحن عميق أضيف كوب كامل حليب دافي + م ك سكر + م ك خميرة فوريه نخلطهم مع بعض ونخليهم شوي لين تتفاعل الخميرة ، بعدين في العجانه : نضيف بيضة وحده + م ص فانيلا سائلة + اصبع زبدة 100 جرام + م ك سكر مطحون معها م ص مليانه زعفران + ملعقتين ك سكر عادي .. بعدين نضيف خليط الحليب والخميره ..
وآخر شيء نضيف المقادير الجافّة : 3 أكواب و ثلث طحين أبيض استخدمت ( فوم ) وينفع أي طحين متعدد الاستعمالات + نص م ص ملح + م ص بيكنج بودر + ظرف دريم ويب .
نخلطهم بالعجانة يعني عجن بس مو عجن كثير أو باليد مجرّد يندمجون خلاص نوقف ونغطيها ترتاح ساعة بعدين نشتغل عليها .. .
.
** الزعفران مع السكر فتتهم بأداة الخشب مو ضروري هذي الحركه اطحنوهم بالطاحونه هذي الحركه سويتها كنت مروقه ع الصبآح 😴🙊
