العجينه المعتمده عندي هي ( عجينة أمي ) تضبط معي وكل من ذاقها ينجن عليها 👌🏻استخدمها للمعجنات بكل اشكالها 😍 ونزلتها رمضان اللي راح والكثير طبقها ويثني عليها وحبيت أرجع أنزلها من جديد ♥️
– المقادير 🙁 استخدمو الأكواب المعياريه واللي ماعندها تستخدم كاس الجبن الحجم الوسط 😁)
- ٥ أكواب طحين كويتي ،
- ملعقتين كبيره ممسوحه خميره ،
- ملعقة كبيره بيكنج بودر ،
- ٦ ملاعق كبيره حليب بودره ،
- ربع كوب سكر ،
- نص كوب زيت نباتي ،
- ملعقه صغيره ملح ،
طريقة التحضير
تعجن بكوبين ونصف ماء دآفي !
شوي شوي زيدي الماء واعجني لين تصير
عندك عجينه متماسكه وطريّه واتركيها بمكان دافي ..
وإذا مرّت نص ساعه تقريباً اعجنيها مره ثانيه ،
وخليها تقريباً زياده ساعه أو حتى
يتضاعف حجمها . :.
– تنبيه :/ اللي تبي العجينه تضبط تخلي الماء دافي مو بارد ولاحار + خلط المكونات مضبوط وكل مازادت مدة العجن وخليتوها تتخمر على راحتها كل ماطلعت لكم عجينه هشّه وممتازه 👍🏻. #وصفات_رمضان_عبير_العميره
– ملاحظه :- العوائل الصغيره اقسمو المقادير للنصف وبس 😙
