مساكم الله بالخير اخواني المتابعين ✋️اليوم عملت طريقة مربى البلح البرحي الكويتي او الخلال البرحي مثل مانسميه بالكويت امس جابولي هدية عثق بلح برحي كبير وشلت المرطب المستوي والباقي عملت منه مربى بطريقة جميله وكل واحد يقدر يسويها اذا زاد عندك البلح الطريقة كيلوين بلح اي نوع نغسلهم تمام وننشفهم ثم نغشرهم وبعدين تقسم كل بلحه وحده نصفين ونخرج النواة منهم ونحتفظ بالغشور نطبخ الغشور بالماء ونشخلهم ونحتفظ بالماء واما البلح لكل كيلوين نصف كيلو سكر نحط عليه سكر عادي ونخلطه ونتركه 24 ساعه ليله كامله لكي يخرج الدبس منه الماء وعلى طول على نار هاديه نبداء عملية التدبيس نحركه حتى يبداء بالغليان ولاتوقف عن التحريك وكل ما شرب مائه زيده من الماء الي احتفظنا فيه مال الغشور ونظيف عليه قليل من الدارسين الغرفه سواء اعواد او بودر واربع حبات مسمار غرنفل للنكهة ونستمر بالتحريك يم نظيف اربع ملاعق عصير الليمون حتى يصبح قوامه مربى متماسك ويصبح الماء دبس وعندما يثخن المربى على طول نعبيه بالغراش البرطمانات واهو حار ونتركه يبرد وبعدين نسكرعليه ويمكنك استعماله على طول جاهز للأكل ويمكنك حفظه بالثلاجه يصلح لجميع حشوة الحلويات والكيك طريقة سهله وجميلة ونتيجه مبهره اذا عجبكم المقطع لاتنسوني بالايكات والمومنتات الجميله
