طاجن دجاج وكرات البطاط
اتكلم عن الشكل ولا الطعم 😍🔥 فعلا رهيبة
والتجهيز المسبق فيها يسهل الوصفه اكثر ماهي سهله .. تشجيع عالوصفه 👍🏻👏🏻❤
او متابعتها يوتيوب على الرابط
استخدمت دجاج تكا مثلج ذوبته وقطعته شرايح
بمقلى واسع .. قلبت البصل لما ذبل .. نزلت الثوم .. وذبلتهم سوا
نزلت الدجاج وقلبته .. والبهارات والملح
البهارات حطيت بابريكا بهار دجاج مخلوط وفلفل اسود وتوابل ايطالية
نزلت الجزر والكزبرة والطماطم .. ورفعت الخلطة وصبيتها بطبق الفرن
حطيت فوقها طبقة جبن موزاريلا
نحي لتحضير البطاط:
سلقت ثلاث حبات بطاط كبار .. وهرستهم مع ملعقتين زبدة و ١٠٠جم جبن كريمي
هرستهم سوا وسويت منهم كرات وصفيتهم فوق طبقة الدجاج والجبن الموزاريلا .. ملاحظه .. اذا البطاطا طرية وتلزق بايدكم .. حطو صحن فيه طحين .. ورشو طحين بايدكم وابدؤو اعملو كرات البطاطا
نجهز صلصة الكريمة:
كوبين كريمة مع ١٠٠جم جبن كريمي
وعلبة قشطة وملح وبابريكا وفلفل اسود
خفقتهم تمااااام وصبيتهم بالطاجن فوق البطاط وباقي الخلطة
دخلت الطاجن فرن محمي من تحت حرارة ١٩٠
وبالاخر تحميرة صغيرة من فوق وبالعافية
