مساكم الله بالخير اخواني وأخواتي المتابعين طبختنا طاجن البامية باللحم طريقة جميله ومجربه كيلو ونص لحم صافي بدون عظم اي نوع لحم تحبونه بصل مفروم ونص كوب سمن بقري اصلي كيلو طماط مهروس وليسه مطحون بالمكينه علبه معجون طماط مخففه بالماء ثوم مفروم او مدقوق الحار ملح وفلفل اسود الطريقة نحمس البصل بالسمن وننزل الثوم ونحمسه معاه لين يشقر البصل ثم نضيف اللحم ونشوحه مع البصل والثوم لين يستوي تمام اللحم نضيف الفلفل الأسود ونحمسه ثم عصرة الليمون ونقطيه ثم ننزل عليه صلصة الطماط ونحمسها وبعدين الطماط المهروس ونحمسه مع اللحم ونضيف الملح حسب الرغبه ثم نضيف الباميه ونفرغ الخليط بالطاجن الفخار وندخله الفرن لين تستوي الباميه وعلينا وعليكم بالعافيه اذا عجبكم المقطع لاتنسوني بالايكات والكومنتات الجميله 🌹🌹🌹
