: صينية شاورما مع البطاطس :
* البطاطس :
أقطعه طوال شوي أو مربعات على حسب رغبتكم ..
ثم تبّلته بـ /
ملح ، ثوم وبصل بودرة ، بابريكا ، شوي كركم ، بهارات ايطالية ، ( قطعة زبدة + زيت زيتون )
أقلبهم مع بعض زين وأحطّهم بصينية فرن ..
ثم أغلفها بالقصدير أحب أحط ورق زبده تحت القصدير لأن صار عليه تحذير فأضمن مايلمس الأكل مباشرة .
* دجاج الشاورما :
استخدمت دجاج شاورما الوطنية الجاهز أفكّه من الكيسه وأرصّه على صينية فرن ..
ثم أدخلهم الفرن بنفس الوقت ويكون الفرن مشغل
قبل من فوق وتحت بنفس الوقت ..
الشاورما على أول رف والرف الوسط البطاطس
20 دقيقة تقريباً ( للبطاطس : ثم أفك القصدير ويكمل تحمير 10 دقايق .
( الشاورما : على حسب قوّة فرنك بس لايطول عن
15 دقيقة أو 20 دقيقه بالكثير إذا رصّيتي كيستين بنفس الوقت ، أما كيسه وحده بتكون المدّه أقل ..
وأول ما أطلعه من الفرن أغطيه 5 دقايق يحتفظ بعصارته اللي تعطي رطوبه للدجاج ما يصير ناشف .
ثم أقطعه عشوائي بسكينه حادّة وأحطه مع البطاطس وأصب عليه • باشميل خفيف عباره عن :
كوب ونص ماء + م ك طحين + ملعقتين ك حليب بودره + م ص ثوم بودره على نار هادئة نحرّك لين يتجانسون .
وأرجعها للفرن تتحمر وتتسبّك مع الباشميل .. .
.
* عند التقديم : يكون بصحن صغير بصل شرائح مع بقدونس مفروم مع شوي ملح وسماق + مخلل خيار واسمتعو عليكم بالعافية 🌿
