| صينية دجآج مع البطاطس بالفرن |
أول شيء نجيب بطاطس نغسله وننشفه مضبوط بعدين نقطعه مربعات بقشرته ثم نتبّله :
“زيت زيتون / ثوم بودرة / كركم / بابريكا / فلفل أسود / بهارات ايطاليه / ملح ” و بعدين نخلط البطاطس مع كل المكونات بحيث تتغطّى كل الحبات بالتتبيله ونحطه بصينية ونغلفها بالقصدير وندخلها لفرن ساخن بالرف الوسط ونتركها نص ساعه تقريباً إلى 45 دقيقه بالكثير ..
بعدين نضيف على البطاطس خلطة الدجاج :
كل المكونات نقطعها أصغر شيء في الحياة عشان تتسبّك على بعض .. نجيب تاوة وسيعه نضيف فيها شوي زيت ونحمس البصل لين يذبل ويصفّر لونه بعدين نضيف ” فلفل ملوّن + جزر ” ونحرّكهم لين تنسجم وتذبل مع البصل وبعدين نخليها على جنب بالتاوه ونضيف قطع الدجاج ع الجهه الثانيه مو على الخضروات عشان بسرعه تتماسك وماتنزل موية الدجاج اذا استوى الدجاج نخلط كل المكونات مع بعض بعدين نضيف الملح وبهارات الشاورما ..
خلاص الحين جهزت الحشوه نضيف عليها الباشميل يكون خفيف مررره بقدر ع النار : حطيت شوي زبده مع ملعقة طحين وحرّكت بسسسسرعه بعدين أضفت 3 أكواب حليب وأضفت نتفة كركم ونعناع مجفف وأحرك بسرعه لين يتجانسون ويصير الخليط خفيف مره بس مافيه كتل طحين .. أصبّه كله على خلطة الدجاج وأحرّكهم شوي مع بعض بعدين أضيف الخلطه كلها ع البطاطس وآخر شيء نضيف الأجبان أى بدون ..
وندخل الصينيه للفرن يكون مشغل من فوق وتحت بس تذوب الاجبان وتتحمر خفيف نطلعها ونرش ع الوجه كزبره مفرومه مع شوي نعناع طازج مفروم و تكون جاهزه للتقديم .. جرّبوها لذيييييييييذه مررره مع خبز أو رز أبيض .. .
و بألف عافيه على قلوبكم ♥️
