صالونة حامض حلو و رز هندي بالزبدة
اشهر رز في بلادكم ؟! رز الزبده شي رهيب 👌🏻 و هذه الطريقة الصحيحة كم يحتاج ماي و كم دقيقة بكتبه لكم تحت و يا سلام اذا كان مع ايدام نكهاته مختلفه تماما مثل طبقنا اليوم 😀👌🏻
– للرز :
- لكل نص كيلو ( ٥٠٠ غرام او ٢ كوب معياري رز ) نحتاج
- ٣ و نص كوب ماي
- كري بتا شوي
- ملح على حسب الرغبه
- قرنفل ٥
- هيل اخضر ٦
- زبده ٤٠ غ
- كريمة طبخ او حليب ٣ م ك
في قدر نصب الماي مع كل شي و نتركه يغلي على جنب بيكون نقعنا الرز ل ٢٠ د نصفي و نضيفه على ماي المسلوق و نتركه لين يبقبق ثم نغطي على نار هادية لين يستوي ، نقدمه و عليه قطعه زبده
– صالونة حامض حلو :
- بصل ٣ وسط
- طماط كاندي ١/٢ كيلو او اقل
- فلفل رومي حبتين لونين
- مانجا ربع كوب
- صدور دجاج ١ كيلو
- بهار ليمون ١ م ص
- ملح كرفس ١ م ص زيت للطبخ
- ثوم مبشور راس
- صويا صوص ربع كوب + كاتشب نص كوب
في قدر نصب زيت و نضيف ثوم المبشور نقلب شوي ثم نضيف صدور دجاج نقلب لين اطرافه تصير ذهبي ، نرفعهم ، نضيف بنفس القدر فلفل رومي طماط مانجو و بصل و نقلب على نار عاليه لين يذبل ثم نضربهم ب خلاط مع البهار و الصوص و شوي ماي ( نص كوب ) و نرده القدر لين يثقل نضيف عليه قطع صدور الدجاج المقليه مع بصل اخضر و بالف عافيه
