مساكم الله بالخير اخواني المتابعين وعساكم من عواده غدانا اليوم سمك الميد والربيان المشوي بالخلطه على التاوه الهنديه الحديد منشن لمحبين الميد المشوي شريت ميد طري طازج ونضفت بطنه وسويتله خلطه من التمر الهندي احنا نسميه صبار مع مريس التمر الحلو والفلفل الاسودوالكركم والكمون والكزبر الناعم واللومي لسحاري والثوم المدقوق والزنجبيل وعصير الليمون وكوب زيت وملعقة ملح يخلط مع بعض ويدهن السمك من بره وداخل تسخن التاوه الحديد ثم تدهن بالزيت ويصف السمك والربيان على التاوه لمدة ١٠ دقائق ويقلب على الوجه الاخر الصراحه طريقه ممتازه تعلمتها من امي الله يرحمها وسويت معاه عيش مشخول ابيض مع دقوس طماط خاثر وسهمكم العافيه اذا عجبكم المقطع لاتنسوني باللايكات 🌹🌹🌹
