ساندوتش الدجاج بصوص الباربكيو
وصفتنا اليوم ساندوتش الدجاج بصوص الباربكيو 😋
المقادير
- ٩٠٠ جرام صدور دجاج
- ملح وفلفل اسود
- م ص بابريكا مدخنة
- نص م ص بودرة ثوم
- نص م ص بودرة بصل
- نص م ص فلفل حار
- نص م ص كمون
- كوب ونص مرق دجاج
- ثلث كوب باربكيو صوص
- ربع كوب كاتشب
- ملعقتين كبار ورشستر صوص
نتبل الدجاج بالبهارات ونحمره بشوي زيت من الجهتين بعدين نضيف مرق الدجاج والكاتشب والباربكيو والورشستر صوص ونغطي القدر وعلى نار متوسطة نص ساعة
بعدين نشيل الدجاج من الصوص ونفتته
واذا كان الصوص خفيف نتركه يغلي لين يثقل بعدين نرجع الدجاج لين يتشرب كل الصوص
مقادير سلطة الملفوف :
- نص حبة ملفوف مقطع شرائح
- جزرة صغيرة مبشورة
- نص كوب مايونيز
- ٢م ك سكر
- ٢م ك خل
- ١م ص خردل
- عصير نص ليمونة
- ملح وفلفل
نخلط مكونات الصوص ونضيفه فوق الملفوف والجزر ونخلطهم مع بعض
نحمص الخبز ونحشيه بالدجاج وسلطة الملفوف
