أحدث الوصفاتالساندوتشات والمعجنات

رولات المسخن على طريقتي

55829749 1988678021439653 3141468357808819624 n

| رولات المسخن على طريقتي |

1- نسلق 4 صدور دجاج أو دجاجه كامله
بدون جلد تكون مقطعه أرباع ومنظفه مضبوط ومافيها جلد نضيف عليها ماء ونغطي القدر لين تطلع الزفره نشيلها بالكامل ثمن نضيف : ( بصله مقطعه أرباع و3 فصوص ثوم مقطعه شرائح و ورق غار وعود قرفه وحبات هيل وكزبره عدله كلها وشوي فلفل احمر مطحون وفلفل اسود وبهارات مشكله مطحونه وشوي كركم وملح )
ونخليهم على النار يكملون سلق
لين يستوون بعدين نصفّيهم من المرق ونحتفظ بالمرق في صحن عميق . (( ** هالمره سويته بقدر الضغط الكهربائي
روووعه يجهز أسرع من القدر العادي ..
حطيت الصدور بالقدر وصبّيت عليها مويه تغطّيها بدون أي اضافات ! المدّة كامله / ١٣ دقيقه
انقصها لـ ٨ دقايق ثم أفتح القدر وأصفيه من كل الشوائب بعدين أضيف البهارات العدله مع البصل والثوم والملح وأضبطه ٥ دقايق ثم أصفيه ويطلع المرق طعمه متنكّه صح 👌🏻)) 2- نفكك الدجاج عشوائي لشرائح ماتكون رفيعه مره كأنها خيوط لا عادي تكون كبيره شوي .
3- في تاوه نضيف بصل أبيض مقطع شرائح تقريباً
4 بصلات حجم وسط مع ربع كوب زيت زيتون أو أكثر شوي و نقلب لين يذبل البصل وبعدين أضيف فلفل اسود وربع كوب سماق وبعدين أضيف الدجاج وأحرك لين يندمجون مع بعض وآخر شيء حبات صنوبر محمّر + عصير ليمونه
واللي يحب يضيف شوي دبس الرمان ..
4- نجهز خبز المسخن آخذه من وحده أعرفها اسمها أم محمد رقمها : ٠٥٥٢٩٠٣٧١١
تبيعه بالكرتون أحب شغلها وأضمن نظافته تسويه بدقيق البُر الكامل وبدون مواد حافظة ويجلس بالفريزر
٥ شهور ، مقصصته دوائر حجمين وسط وميني ، للمسخن أحب أسويه بالميني أرتب وأجمل بالتقديم .
5- الحين نحشيها نحط الدجاج ونلفها مثل : السبرينق رول ونرتبهم بصينيه مدهونه بزيت زيتون وإذا خلصنا من كل الكميه نصب عليها شوي من المرق و ندهنهم بزيت زيتون وندخلهم فرن مسبق التسخين ولو فيه مروحه شغلوها من فوق وتحت تساعد إن الرولات تتحمر بأسرع وقت حلاتها
تكون محمره ومقرمشه 😋👌🏻
6- نرتبها بصحن ونرش عليها سماق وبقدونس مفروم وحبات من الصنوبر .
7- الصوص عباره عن : زبادي وشوي طحينه وليمون وفلفل أحمر وشوي سومطره وفص ثوم مفروم .. حطو وذوقو لين توصلون الطعم اللي يناسبكم .. .

و بألف عافيه على قلوبكم يا رب ❤️✨.

* ملاحظة :
• السماق الأصلي يكون لونه غامق وطعمه فيه حموضه يختلف اختلاف شاسع عن اللي يجي لونه فاتح مصبوغ !

عبير العميرة

طبخآتي ماهي إلا نتاج حبّي لعآئلتي💛 و كل أملي أن تصل لذآئقتكم الرفيعَه .' Snap👻: abeer_alamerah للإعلانات: مشرفة الحساب واتس فقط : 0556068212 📍الرياض
زر الذهاب إلى الأعلى