رز علحم مع بازيلا وجزر بطريقة امي
مجبوس لحم كويتي على لبناني 🤣👌🏻
الرز يلي ستخدمتو رز هديل
طريقتي بالرز بطبقها عكل انواع الرز الحبه الطويله .
بغسل الرز لتسير مية الرز شفافه ما فيها لون ابيض .
بنقع الرز ساعه مع شوية ملح الملح ببيض حبة الرز .
بغسل اللحم و بسلقو اول سلقه ١٠ دقايق مع هيل حب ومطحون وورق غار وبصله برمي مية اللحم بغسل اللحم و بحط ماء ساخن مع مطيبات
ورق غار – هيل حب – قرفه عيدان – بصله – بندوره – قطعة جزر – قطعة زنجبيل – راس ثوم بقشرو – بصل .
الملح بس تستوي اللحمه .
منسلق البازيلا والجزر وبعد السلق منصفيهن و منقليهن بشوية زبده مع رشة فلفل اسود وملح ومننقع الزبيب و منقلي بعد النقع بنفس المقلاي .
منقلي القلوبات .
بنفس الطنجره يلي قلينا فيها الخضره والقلوبات بحط شوية سمن وزيت و منقلي البصل مع حصين ثوم لياخدو لون منضيف الرز المنقوع ضفتلو هيل وسبع بهارات ساعه مع مية اللحم .
بس يغلي شوي وينشف من فوق منغطي ١٠ دقائق منفتح الغطا منحط الزعفران المنقوع منرجع منغطي ربع ساعه .
اللحم منحمرو و منرش عليي قبل التحمير فلفل اسود هيل و قرفه ومية زعفران .
#رز_باللحمه_فاطمه_كتشن
