كعك يمني مالح (كعك العيد)
او بمسمى اخر (ذمول)
بطريقة اشواق اختي حبيبتي 😍♥️
الكميه تسوي ١٥ كعكه حجم وسط
ولو تبغو اكثر ضاعفو الكميه
المقادير
- ٤-اكواب دقيق
- ١-ملعقه صغيره خميره فوريه
- ١-ملعقه كبيره سكر
- ١-ملعقه كبيره ملح
- ١-ملعقه كبيره حبه سودا
- ٢-بيض
- نص كوب حليب مبخر دافي ( حليب الشاي)
- نص كوب زيت
- نص كوب سمن
- نص كوب مويا دافيه ( قد نحتاج زياده على حسب نوع الدقيق)
- لدهن وجه الكعك نحتاج بيضه وحليب وخل
- ولتزيين الوجه حبه سودا وسمسم
طريقة التحضير
اولاً نخلط الحليب الدافي مع السكر والخميره ونتركها ١٠ دقايق تتفاعل
وفي زبديه نضيف الدقيق والملح والحبه السودا ونخلط وبعد كذا نضيف الزيت والسمن وخليط الخميره والبيض ونخلط شويه وبعدها نضيف المويا بالتدريج ونعجن بس مانعجن كثير مجرد ما تلتم كل المكونات وتتجانس تصير عندنا عجينه قاسيه شوووي مو طريه مره ولا قاسيه مره ونلم العجين ونغطيها ونتركها ترتاح نص ساعه ونشكلها كُرات ونتركها ترتاح ١٠ دقايق ونمدها بيدنا ونظفرها من الاطراف او ممكن نسويها دائريه او نشكلها ب تشكيلات المعمول ونحطها في صينيه مدهونه بزيت وندهن الوجه بخليط البيض والحليب ونزينها بالسنين والخبه السودا وندخلها الفرن مسبق التسخين على درجة حراره ٢٠٠ من تحت ونحط الصينيه بالرف الوسط
نتركها الين تستوي وتتحمر من تحت نشغل عليها من فوق الين تتحمر شوي نطلعها نتركها تبرد تماما ونقدمها مع البن اليمني او الشاي الاحمر او العدني وبالعافيه 😍
نحفظ الكعك في وعاء بلاستيك او زجاج محكم الاغلاق نحط داخله قماش عشان يحافظ على قرمشه الكعك
