| دجاج مع البطاطس بقدر الضغط الكهربآئي |
أحب أكتمها بالقدر تطلع من دآخل ذايبه بوقت قصير وبعدين أكمل عليها من الفرن تتحمر من فوق تطلع تهبل من برآ محمّره ومن جوا مستويه ومتغلغل الطعم فيهااااا 😋👌🏻
– دجاجة كآملة تقطعونها مع النص وتنظفونها .
– البطاطس نظّفته بقشرته بعدين قطّعته شرائح عريضة عشان مايذوب يصير محافظ على شكله .
– الحين نجيب صحن عميق نحط البطاطس وفوقه الدجاج ونضيف عليهم : زيت زيتون ، خل تفاح ، معجون طماطم ، ثوم حبّات كامله ندقّها شوي ونضيفها ، حبات فلفل حار بدون تقطيع ، ملح ، بهارات مشكّلة ، بابريكا باردة وحارة ، كركم .. نخلطهم كلهم مع بعض بعدين نحط البطاطس وفوقه الدجاج ونقفل عليه بقدر الضغط ونضغط على ” زر الدجاج ” 13 دقيقة بعدين إذا استوى فتحناه ونجيب صينية نرتّب فيها البطاطس وفوقه الدجاج وندخله الفرن يكون مشغل من فوق لين يتحمّر الدجاج والبطاطس و تتقدّم مع الرز الأبيض أو السليق وبألف عافيه على قلوبكم حبآيبي ♥️
#قدر_الضغط_اديسون_عبير_العميره
