وصفتنا اليوم دجاج مشوي بالفرن 😋
تتبيلة الدجاج :
- بصلة
- حبة فلفل رومي احمر
- حبة طماطم كبيرة
- ٢ م ك زبادي
- ملح حسب الرغبة
- نص م ص فلفل اسود
- ١ م ص بابريكا
- ١ م ص كمون
- ١ م ص كزبرة
- نص م ص كركم
- ٢ م ك معجون طماطم
- عصير ليمونة
- ٣ م ك زيت زيتون
ونطحن كل مقادير التتبيلة في الخلاط
نقص ظهر الدجاج ونتبله بالتتبيلة ونشيل شوي من التتبيلة للخبز
وندخل الدجاج الثلاجة اقل شي ٤ ساعات
بعدين نشويه بالفرن على حرارة ٣٥٠ فهرنهايت او ١٨٠ مئوي نار من تحت مكشوف بدون قصدير لمدة ساعة الى ساعة وربع بعدين نحمره من فوق
ندهن الخبز بباقي التتبيلة وندخله الفرن يتحمر تقريبا ٥د
طريقة البرغل :
نحمس البصل والفلفل الرومي بزيت الزيتون بعدين نضيف ملعقتين كبار معجون طماطم ونحمس
ونضيف الطماطم ونغطي القدر ٥د
بعدين نضيف قطعة زبدة وملح وفلفل اسود وفلفل مجروش ونعناع مجفف
ونضيف كوبين برغل خشن مغسول ونقلبه مع الخليط
ونضيف ٣ اكواب مويه حاره ونغطي القدر وعلى نار هادية ٢٥د
سلطة الخيار باللبن :
زبادي وثوم وليمون وملح ونعناع مجفف وخيار مبشور
سلطة المشاوي :
بصل وبقدونس وملح وسماق
