| خبز بمهروس الزيتون 🌿| .
طري جداً وطعمه لذيذ ينفع للحشوات .. تشكّلونه مربعات أو زي البرقر أو الصامولي أو بدون حشوة مع الفطور تقدّمونه بسلّة يجنننننن طعمه وشوفته ترد الروح 😍🍃
أول شيء في صحن عميق أضيف كوب كامل ماء دافي + 4 م ك حليب بودرة + م ك سكر + م ك خميرة فوريه نخلطهم مع بعض ونخليهم شوي لين تتفاعل الخميرة ..
بعدين في العجانه : (( نص كوب مهروس الزيتون الأخضر سواء جاهز أو انتم جيبو زيتون أخضر وافرموه مع شوي زيت يصير زي المهروس )) + اصبع زبدة 100 جرام بحرارة المطبخ + 3 م ك سكر .. بعدين نضيف خليط الحليب والخميره ..
وآخر شيء نضيف المقادير الجافّة :
3 أكواب و نص طحين أبيض استخدمت ( فوم ) وينفع أي طحين متعدد الاستعمالات + نص م ص ملح + م ص بيكنج بودر .
نعجنهم بالعجانة مجرّد يندمجون خلاص نوقف ونغطيها ترتاح ساعة بعدين نشتغل عليها .. .
وبعد مانشكّلها على حسب الرغبة نخليها
ترتاح نص إلى ساعه إلا ربع قبل الفرن وندخلها فرن مسبق التسخين يكون ساخن 200 درجة مئوية بالرف الوسط مشغل من تحت لمن تنتفخ وتبدأ تستوي وتتماسك أشغل المروحه من فوق وتحت توزع الحراره وتعطي لون جميل للمخبوزات 👌🏻 .
وأول ما تطلع من الفرن أحب أدهن الوجه بشكل خفيف بزيت الزيتون مع ريحان طازج مفروم مع بهارات ايطاليه ” اختياري ” .
#مخبوزات_عبير_العميرة
