| خبز البيستو |
1- في صحن صغير عميق نضيف : نص م ك خميره فوريه + م ص سكر + ربع كوب ماء .
2- في وعاء العجن نضيف :
3 أكواب ونص طحين أبيض مع م ص ملح + ملعقعه كبيرة ريحان مجفف + 3 ملاعق كبيرة حليب بودره + م ص بيكنج بودر + نص م ص بيكربونات الصوديوم نخلطهم مع بعض ونخليهم على جمب .
3- في العجانه : نضيف ثلاث أرباع كوب حليب سائل دافي + ربع كوب صوص البيستو وبعدين نضيف المقادير الجافه ونضيف ملعقتين كبيره زيت زيتون ونضيف الماء الدافي بالتدريج على حسب الطحين .
3- بعد ما نعجن بالعجانه أو باليد وتبدأ تلتم العجينه نضيف خليط الخميره ونعجن مضبوط لين تصير عندنا عجينه طريّه ملمومه على بعض .
4- نخليها تتخمر ساعه وبعدين نفردها ونقطعها بالشكل اللي نحب ونخليها تتخمر مره ثانيه نص ساعه إلى 40 دقيقه قبل الفرن .
5- الفرن يكون مسبق التسخين وندخلهم مايطولون عن ربع ساعه وبعدين تفننو بالحشوات 😍
الحشوه :-
دهنتها بالصوص عباره عن /
صوص بيستو + نص عصير ليمونه + فلفل أحمر مطحون حار + طحينة سائله + أعشاب ايطاليه + فلفل احمر مشوي ومقشر وبعدين نفرمه ناعم+ فلفل أخضر مشوي أو عادي بس يكون مفروم ناعم + لبنه حامضه مثل لبنة العتش والمقادير تزيدونها أو تنقصونها على حسب ذوقكم .. ومع الصوص أضفت شريحة خس مشرشر (هولندي) وبعدين جرجير ونعناع طازج وبعدين أضفت جبن حلوم مشوي + شريحة باذنجان مقليه + شريحة طماطم . واستمتعو باللذاذه و بألف عافيه 💋
#مخبوزات_عبير_العميرة
