✨ | خبز البيدا التركي 🇹🇷 | ✨
1- أربع أكواب طحين + م ك خميرة فوريه + م ص ملح + م ص سكر + 5 م ك زبادي + نص كوب حليب دافي + نص كوب ماء دافي ممكن يزيد أو ينقص على حسب نوع الطحين نعجنهم عجن مضبوط باليد أو بالعجانه تكون العجينه ملمومه ولينه بنفس الوقت ، ونخليها تتخمر نص ساعه تقريباً .
2- بعد ماتتخمر نقسم العجينه لنصفين أو أكثر على حسب ذوقكم ونفردهم باليد مثل مانسوي مع التميس نضغط بأطراف الأصابع أو بالشوكه نسوي نقش .
3- نخليهم يرتاحون شوي 10 دقايق تقريباً بعدين ندهنهم بصفار بيضه + ملعقه كبيره زبادي أو حليب وشوي خل .. ونرجع نعيد ع النقش عشان يثبت ويوضح شكله أكثر ، ونرش الوجه بالسمسم + حبة سوداء .
4- ندخلهم الفرن مسبق التسخين على درجة حراره
350 فهرنهايت = 180 إلى 200 درجة مئويه من تحت
وبعدين نحمرها من فوق .
و استمتعو باللذاذه وعساها بألف عافيه على قلوبكم ♥️
#مخبوزات_عبير_العميرة
