حلى المليونير
الوصفة مشهورة بلندن وامريكا
المقادير
– اول طبقة :
- ٢٠٠ جم زبدة ( اصبعين )
- ٢٥٠ جم دقيق جميع الاستعمالات ( كوبين الا ربع )
- ٧٥ جم سكر كاستر ( ثلث كوب )
– ثاني طبقة :
- ٧٥ جم سكر بني ناعم ( اكثر من ثلث كوب بشوي )
- ٧٥ جم سكر كاستر ( ثلث كوب )
- علبة حليب محلى
- ١٥٠ جم زبدة ( اصبع ونصف )
– ثالث طبقة :
- ٢٠٠ جم شوكولاته حليب او دارك
طريقة التحضير
اخلط الزبدة مع السكر بعدها اضيف الدقيق تدريجي
واعجنه باليد او بالملعقة واساويه في قالب مبطن
بورق زبدة وادخله الفرن تحت ١٨٠ مدة ٢٥-٣٠ دقيقة
بعد مايطلع من الفرن اخليه على جنب لين يبرد واجهز
الطبقة الثانية اخلط جميع مقاديرها مع بعض وعلى النار
مدة ٥-٦ دقايق لين يتجانس ويتغير لونه ويبقبق
بعدها ادخلهم الثلاجة مدة ساعة تقريبا واجهز اخر طبقة
عبارة عن اي نوع جوكلت ذوبوه بالطريقة الي ترتاحون لها
طريقة المكرويف وممكن حمام مائي
بعد اضافة الجوكلت خلال ٥-١٠ دقايق تبرد بالثلاجة وقطعوها
سكر الكاستر / تخلطين السكر الابيض الخشن العادي في البيت بس مو طحن ناعم تشغلين الخلاط عليه ثواني وتقفلينه وتكررين العمليه مرتين ثلاث يكون حبيبات السكر مو ناعمه ولا خشنه بالنص
