حلى السوتلاج ( رز بالحليب )
ضروري قبل ماتسووه تشوفو ايش رح اكتب بالتفصيل عشان يزبط معاكم 🔥😍
.
.
@turkishwithamal @turkishwithamal
المكونات :
فنجان شاي رز مصري
٤ كاسات موية بحرارة الغرفة
لتر حليب
فنجان شاي سكر
ملعقة اكل نشا
فنجان مويه بارد عشان نذوب فيه النشا
ملعقة صغيرة مليانة فانيلا
فنجان شاي كريمة خفق ( اختياري )
صفار بيضة
الطريقة :
اول شي نحط الرز مع الموية ونخلي الرز يكبر ويستوي كويس ويشرب المويه ولما يفضل شويا من المويه نحط الحليب الحار ونقلب بإستمرار وعلى نار هادئة الى متوسطة عشان لا يلصق الرز في القدر وبعدها نحط كريمة الخفق ولما نشوف الرز استوى والحليب بدأ يفور نضيف السكر وبعدو الفانيلا واخر شي النشا اللي دوبناه بالمويه الباردة بس نحطهم على دفعات صغيرة واحنا بنقلب بإستمرار عشان لا يتكتل معانا وآخر شي نخليهم يغلو كمان ٥ دقايق مع بعض ونقفل النار !! نجيب صينية الفرن ونحط فيها مويه وبعدها نحط قوالب الرز بالحليب ( نخلي شوية في القدر ونقلبو عشان يبرد شويا ونجيب صفار بيضة ونخلطهم كويس مع الكمية القليلة اللي في القدر ونبدأ ناخد ملعقة ونحطها في القوالب ونقلب بالملعقة ) وبعدها ندخلها ع الفرن ،، والفرن يكون على اعلى درجة ونولع من فوق بس تقريبا ياخد من ٢٠ دقيقة على حسب فرنكم واول مايتحمر اللون نقفل عليه ونخرجو من الفرن 🔥😍 .
.
ملاحظات :
هما يستخدمو حليب طازة عشان يطلع مره طعم بس انا استخدمت حليب من السوبر ماركت وبرضو طلع مره طعم ،،الحليب اللي نحطو على الرز لازم يكون حار ،، نقلب بإستمرار وعلى نار متوسطة ،، اعطي كل خطوة وقتها لانو المقادير مانحطها ورا بعض بس انا مع التصوير تبان انها سريعة بس انا اخدت وقتي ،، السكر مانحطو من البداية عشان حبات الرز لو اتشربت السكر من البداية رح تسير قاسية جدا ،، لازم نحط موية في الصينية واذا خلصت نزود ولما نخرجها من الفرن نخليها تبرد تماما وبعدين ندخلها ع الثلاجة .
