😍حلى التوفي البارد بطريقه جديده😍
ناخذ كاسين حليب بودره ونحمسهم على النار لين يصير لونها بني ونتركه على جنب
نجهز الدريم ويب ظرفين دريم ويب وعلبة قشطه وست حبات كيري وملعقه طعام سكر وفنجان .
شاي حليب بارد ونخلط لين ينفش ونتركه بالفريزر لوقت الحاجه
نجهز كيكة التوفي بالخلاط نضع ثلاث بيضات وفانيلا ونخلط دقيقتين ثم نضيف له نص كاس سكر ونخلط ثم ثلث كاس زيت ونخلط ثم كاس حليب سايل بصينيه اخرى للعجن نضع الحليب المحموس وملعقه طعام باكينق بودر ثم نضع الخليط الي بالخلاط عليها ونقلب حتى يندمج
ندهن القالب بالزيت والدقيق ونسكب الخليط وندخلها فرن ساخن ٤٠ دقيقه على درجه ٣٠٠ للفرن الكهرب ونتاكد انها استوت نطلعها من الفرن ونسقيها بالجلي .
الي هو كاس ماء ساخن مذوب فيه نص ظرف جلي توت حتى يذوب وتسقى فيه الكيكه بشرط يكون دافي وليس ساخن
ونخليها لين تبرد الكيكه تماما ثم نضع طبقه الدريم ويب المجهز مسبقا ويزين بالتوت المعلب وشوكلت مبشور ونخليها بالثلاجه اقل شي ساعتين
لذيييذه وهي بارده وعليكم يالعافيه
@hunah97
