حلى الأولكر

🌷اللهم بعدد احرف القرآن اسعد قلب كل من ذكرك وصلى ع نبيك🌷🍃

حلى الأولكر 🍫

باين من الشكل ماشالله لذيذ جدا وروعه بالتقديم…جربوه جدا سهل وبسيط
.

الطبقه الاولى:
١ كيس ونص بسكوت شاي مطحون (اولكر او ماري او بيتي بور) (الكيس الواحد فيه ١٦٥ جرام)
اصبع او ١٠٠ جرام زبده، مذابه 
٣ ملعقه كبيره قيمر (قشطه)
.

الطبقه الثانيه:
٢ كوب حليب بودر محموس
نص علبه حليب محلى الكبير
١ علبه كبيره قيمر (٢٥٠ مللي)
.

الطبقة الثالثه:
ككاو اولكر (للي مايعرفه تلقونه باخر صوره بس لفو الصور لي اليسار)
.

الطبقة الرابعة:
١/٤ علبة حليب محلى
٦ قطعع جبن كيري
.
*قهوه بودره

للتزيين*
.
.
نخلط البسكوت المطحون مع الزبده والقيمر و نرصه في بايركس مستطيل وندخله الثلاجه.

في مقلاة كبيره ، نحمص الحليب الباودر على نار هاديه ونحركه باستمرار عساس لا يحترق الى ان يصير لونه ذهبي .. وممكن يتكتل شوي وهالشي عادي وبعد ماننتهي من التحميص ننخل الحليب الباودر المحمص ونفتت التكتلات كلها (يعني حتى المتكتل نفتته ونستخدمه).
باستخدام الخلاط او باليد .. نخلط الحليب الباودر المحمص + نص علبه حليب محلى + علبه قيمر .. نضيف هذا الخليط فوق البسكوت في البايركس .. بعدها نضيف قطع ككاو اولكر على الخليط السابق.

باستخدام خلاط العصير نخلط الحليب المحلى مع الجبن .. نحط شوي من هالخليط فوق كل قطعه ككاو واخر شي يزيّن بالقهوه.
ندخله بالثلاجه اقل شي ساعه كامله الى ليله كامله لين يصك. وبعدها نقصص كل قطعه لوحدها .. وبما ان الخليط راح يلزّق شوي ، ف نبلل السكينه بالماء شوي قبل التقطيع وكل ماتنشف السكينه نرد نبللها شوي

وبالعافيه 😘❤️
@roshi_1988