حلا مربعات التمر 😍😋👌🏻
حلا سهل جداً اقتبست طريقته من الشيف : منال العالم ، أول شيء نحتاج صينيه مربعه مقاس ٩انش . . .
:: الطبقه الأولى :-
١٣ حبه بسكوت داجستيف مطحون ناعم + ثلث كوب زبده ذايبه ع النار ودافيه + م ص قرفه مطحونه ( اختياري )
نوزع البسكوت بالصينيه بشكل متساوي بعدين نرصّه مضبوط 👌🏻 وبعدين نحط فوقه ٢٠تمره ( خلاص ) أو أي نوع يكون طعمه حلوه وليّن ( نشيل النوى ونقسم التمره نصفين )
نوزعهم بشكل عشوائي فوق البسكوت .
. :: الطبقه الثانيه :-
في صحن عميق نخلط ٦حبات جبن كيري + بيضه وحده + م ص فانيلا سائله + علبة حليب مكثف محلّى الحجم الكبير ونخلطهم بالسلك اليدوي مو شرط يذوب الجبن تماماً لو فيه قطع صغيره عادي راح تذوب بالفرن مايحتاج زيادة مواعين وخلاط 😅 .
وآخر شيء نرش لوز مبشور إذا تحبون تحمصونه قبل أو بدون على راحتكم في كل الحالتين لذيييذ 😋👍🏻 وندخل الصينيه للفرن ونشغله من تحت على درجة حراره ٣٥٠ فهرنهايت = ١٨٠مئويه والوقت تقريباً نصف ساعه إلى ٣٥ دقيقه ويكون جاهز وبعدين ندخله للثلاجه يتماسك وبعدين نقطعه بالشكل اللي نحب مستطيلات أو مربعات . .
وبس والله جرّبوه لذييييذ وبألف عافيه على قلوبكم 💜✨
