♦️الخطوه الاولى بحلاوة الجبن .
▪️نحضر القشطه الاولى يلي هي بفرط الحليب . .
القشطه رح حضرها بطريقة القشطه البلديه .
٢ ليتر حليب بس يغلو منحط ربع كوب خل ابيض .
منحرك الحليب بس يغلي منحط ربع كوب الخل بيفرط الحليب بيتكون عنا يلي شفتو بالفيديو اسمو الاريشه المنزليه ..
▪️القشطه الثانيه : لكل كوب حليب معلقة سكر – معلقة نشاء- معلقة سميده- وشوي ماء الورد .
انا حطيت كوبين ومعلقيتن من كل شي .
حركت لجمد المزيج ضفت ماء ورد معلقه كبيره و علبة قشطه .
حركت و طفيت .
تركتن يبردو شوي ضفت الاريشه حضرتها بالفيديو يلي قبل هالفيديو و ضفت معلقة ماء ورد عالأريشه و خلطتها منيح مع القشطه و حطيتن بالبراد
♦️الخطوه الثانيه : القطر ( الشيره ) : كوب ونص سكر كوب وربع مي
غلو شي نص ساعه عنار هاديه و ضفت ماء الورد معلقه اكل وطفيت ما حطيت ليمون فيها .
♦️الخطوه الثالثه تحضير حلاوة الجبن
نقعت قالب ونص الوزن ٧٠٠ غرام جبنه عكاوي تشيكي مبروشه بمية الفلتر بعد النقع بخف الوزن شوي . .
نقعتها من ال ٤ الفجر لل ٤ الضهر و غيرت المي ٣ مرات و حطتيا بالبراد طول هالفتره .
احسن طريقه نبرش بالمصفاي الجبنه و منحط الجبنه بالمصفاي والمي بجاط منشيل المصفاي منغير المي هيك ٣ مرات .
حطيت كوب مي ( ماء) بطنجره و ملعقتين سكر
ذوبت السكر والمي .
و ضفت الجبنه وبلشت حرك بمعلقة الخشب لازم معلقة خشب ونكون مش طابخين فيها يعني جديده عشان معلقة الخشب يلي طابخين فيها لو نضفناها فيها طعم بصل و ثوم 🙈
بس تسيح الجبنه بالمي و اقدر مدها بمعلقة الخشب و تطرى بضيف ثلاث ارباع كوب سميده ناعمه ( موجود بالجمعيات ) .
و بلش حرك هون التحريك صعب شوي بتقسى العجينه و بضيف قطر شوي ( شيره) و بحرك كتير منيح عنار جدا هاديه لتتشرب السميده كل المي و تمتزج منيح مع الجبنه و تسير عجينه طريه ومالسه ناعمه . .
