حشوة خضآر لذيذه 😍😋👌🏻
على طريقة أمي @fawzeyah05 تهبل مره أي أحد يذوقها تعجبه ماشاء الله ♥️
الحلو فيها تنفع تنوكل مع الخبز أنا أحب أصلحها عشاء مع خبز أسمر صحيّه ولذيذه 👌🏻 وينفع تحشونها سمبوسه أو سبرينغ رول أو فطاير .
– الطريقه :-
١- نقطع الخضروات ( بطاطس – جزر – كوسه – فاصولياء – ملفوف أبيض ) نخلي التقطيع مره صغير وناعم والملفوف يكون شرائح رفيعه وبعدين نخلطهم مع بعض بصحن عميق .
٢- نضيف شوي زيت زيتون + شوي خل أبيض .
٣- نضيف البهارات المطحونه ملعقه صغيره لكل من 🙁 كركم ، فلفل أسود ، فلفل أحمر مطحون ، سكر بني ، ملح ، بهارات ايطاليه على حسب الرغبه ) + ربع م ص كمون .
٤- بقدر وسيع نحمس بصل مفروم مع ثوم وفلفل رومي مع زيت لين يذبل وبعدين نضيف الخضروات كلها ونحرّك لين تتسبك .
٥- نخليه على نار هادئه أقل درجه لين تستوي الخضروات .
٦- اذا استوت ممكن تضيفين ورقيّات على حسب رغبتك مثل 🙁 بقدونس مفروم ، أو كزبره مفرومه ، أو شبت )
وخلصنا 👍🏻😍 ماتحتاج ولا نقطة ماء لأن الخضروات موجود فيها ماء من الأساس راح تنزل مع الطبخ .
وعساها صحّه وعافيه على قلوبكم ♥️
