| حشوة الدجآج بالسبآنخ 🍃 | . .
.
أول شيء صدور دجاج مبرّده نقطعه مكعبات صغيره ثم نشوّحه بالتاوه على نار عاليه بس يمسك وياخذ لون متشقّر خفيف نحط عليه بهارات بديل الماجي ثم نرفعه على جنب ..
. بنفس التاوه : نضيف بصل مفروم ناعم مع شوي زبده وزيت زيتون ونضيف معه ثوم مهروس ونحمس لين يذبل ثم نضيف أوراق السبانخ الكمّية اللي تحبّون وأضيف فوقه نعناع مجفف
ثم أضيف الفلفل الرومي الأحمر يكون مقطع مكعبات صغيره ونضيف عليه الفلفل الأحمر المجروش + الملح ثم ننزل الدجاج اللي شلناه على جنب ونضيف عليه البهارات الايطالية ..
. آخر شيء لمن تتسبّك الحشوة وتستوي نضيف الأجبان : موزريلا + قشقوان ونطفّي النار ونغطي التاوه ونخليها شوي تذوب وبعدين نخلطهم مع بعض وتصير عندنا حشوة لذيذه ..
نقدر نستفيد منها بالسمبوسه أو بالتورتيلا ( كاساديا ) أو نضيف عليها شوي كريمة طبخ ونضيفها مع المكرونه .. .
.
عليكمـ بألف عافيه 💓.
. . • عجينة السمبوسة ( غوار ) وهذي العجينة حلاتها مقليه تصير كأنها بف .
• البهارات اللي استخدمتها بديل الماجي و الايطاليه والنعناع المجفف من الأم الذواقة @althawwaqah والفلفل المجروش من @buharat_sara أحب نظافتهم وشغلهم بالبهارات 👌🏻
• أحب أقلي السمبوسة إذا وصلت درجة الحراره 330 إلى 340 يعني ما تتعدى 350 فهرنهايت هذي الدرجة تعطيني نتيجه ممتازه ولا تكثرين الحبّات وقت القلي عشان ماتنخفض الدرجه ويبرد الزيت .! • مقياس الحراره تلقونه بأغلب المحلات وأشوفه ضروري وقت القلي 👌🏻
