حشوة الدجآج المكسيكيه 😍👩🏻🌾✨
هالحشوه نحطها دآخل خبز التورتيلا اللي نزلته بالبوست اللي قبل 👌🏻 تسمّى هالأكله : كآساديا الدجاج لذيييذه 😋
الطريقه :-
1- نقطع دجاج صدور مبرّده لمكعبات ونتبّلها : ( ملعقه كبيره بهارات مكسيكيه أخذتها من الحساب خطيره 😍 @bharaty_9 + ملعقه كبيره بابريكا + ملعقه صغيره بصل وثوم بودره + فلفل أحمر حار مطحون + شوي زيت نخلطهم مع بعض ونخليهم بالثلاجه أقل شيء نص ساعه ) .
2- نجيب تاوه وسيعه ونخليها تحتمي وبعدين ننزل الدجاج على جمب والجمب الثاني نحط فلفل رومي ملون أحمر وأصفر وأخضر مع شوي زيت ونحرك الفلفل لحاله والدجاج لحاله اذا تماسك الدجاج نخلطه مع الفلفل ونحط عليهم بصله صغيره مفرومه ناعم ونقلّب وبعدين طماطه صغيره مقطعه تقطيع ناعم مع ملعقه صغيره معجون طماطم ونقلبهم مع بعض ونضيف الملح ونخليهم يتسبّكون مع بعض وحلاص نطفّي النار ونخلي الحشوه تبرد شوي .
3- نجيب خبز التورتيلا ندهنه خفيف بالزيت ونحطه بالتاوه وفوقه جبن موزريلا + قشقوان + شيدر وبعدين الحشوه وفوق الحشوه أجبان مره ثانيه وبعدين الخبزه وندهنها من فوق بشوي زيت و بعدين نضغط عليها اذا تحمرت من تحت نقلبها تتحمر على الوجه الثاني وبس 😍
حلاته تآكلونه دافي والأجبان ذايبه دمااار مع الحشوه 😋 عسآه صحه وعافيه على قلوبكم ❤️✨
