حشوة السمبوسه رقم (1) :
أنواع الأجبان /
شيدر كرافت ، قشقوان ، موزريلا ، جبنة فيتا ،
بارميزان ، الكميات تكون على حسب رغبتكم ..
والبارميزان يكون أقلّهم .
وبعدين نخلط معهم :
زعتر + نعناع طازج مفروم + زيتون شرائح أخضر بالشطه + فلفل رومي ملوّن يكون مقطع ناعم مره + فلفل حار أخضر مقطع ناعم حسب الرغبه + أعشاب إيطاليه + فلفل أحمر مطحون .
هذي الحشوه بالسمبوسه حلآتها تؤكل وهي دآفيه
ألذذذ بكثير من إنها تبرد 😋👌🏻
حشوة السمبوسه رقم (2) :
1- نسلق 4 حبات بطاطس تكون مقشّره ومقطّعه مكعبات كبيره وبعدين إذا استوت نصفّيها من الماء .
2- في تآوه وسيعه :
نضيف زيت زيتون وعليه أعشاب إيطاليه + فلفل أحمر مجروش + ريحان مجفف + ثوم مهروس ونحركهم على النار لين تطلع ريحة الثوم مع الأعشاب وبعدين نضيف مكعبات البطاطس ونحركهم مضبوط مع الثوم والأعشاب .
3- نضيف تقريباً نص كوب كريمة طبخ أو ممكن أكثر شوي على حسب البطاطس ونخليه يتسبّك وبهاللحظه نضيف الملح + أي بهارات تحبّونها بالنسبه لي أضفت بهارات اكسراى العثماني مستورده من تركيا .
4- نضيف خلطة البطاطس لمحضرة الطعام
ونفرمها ناعم .
5- نجيب تاوه ونحط فيها شوي زيت ونحمّر فيها قطع دجاج صدور مبرّده تصير مقطعه حجم صغير ونخليها
لين تتحمر وتستوي ونضيف شوي كركم مطحون ع الدجاج وبعدين نضيف عليها فلفل رومي ملوّن + فلفل حار يكون مقطع قطع صغيره ناعمه ، ولو حبيتو تضيفون أي نوع خضروات على حسب رغبتكم .
6- آخر شيء نضيف البطاطس المهروس ونحركه مع الدجاج ونذوق الطعم النهائي عشان نشوف يحتاج ملح أو لا وبس 🙊
.
حشوة السمبوسه رقم (3) :
هالحشوه هنديه لذييييذه بقوه 😋👌🏻 أختي خوله تعرف إني أحب الأكل اللي فيه فلفل حار فبدّعت لي جعلها تسلم 😘
الطريقه سهله مره :- نجيب تاوه مستطيله أو مربعه بحيث نحمس البصل
مع الزيت على جمب والجمب الثاني يكون فيه قطع الدجاج وبالوسط يكون فيه :
شمندر مبشور + فلفل أحمر حار مقطع شرائح رفيعه + بصل أخضر مقطع قطع صغيره ،
وإذا بدأ البصل يذبل والدجاج تماسك وتغير لونه للأبيض نضيف البهارات : فلفل أسود وأحمر مطحونه ناعم + شوي كركم + بهارات مشكّله وشوي من بهارات الكاري + الملح ونحركهم كلهم مع بعض وآخر شيء نضيف
نص عصير ليمونه ..
وبس سهله تهبل روعه طعم ولون ❤️✨
.
وبالنسبه للسمبوسه بالفرن /
أحط شوي زيت بالصينيه وأخليه يسخن بالفرن وبعدين أطلع الصينيه وأصف السمبوسه على طول وأدهن الوجه بالبيض وأشغل المروحه من فوق وتحت تطلع تهبل 👌🏻
