المقادير
- 3 صفار بيض ( 55 جرام )
- 5 معالق كبيرة سكر ( 75 جرام )
- 250 جرام جبن كريمي ( ماسكربوني / فلادلفيا / كيري )
- معلقة صغيرة ڤانيليا ( 5 جرام)
- كوب كريمة حلويات ( 200 جرام )
- بسكوت ليدي فينجر ( استخدمت عبوة واحدة) 200 جرام
- كاكاو خام غير محلي علي الوش
أخدت 2 دبل شوت اسبريسو من ماكينة القهوة
= نصف كوب اسبريسو + نصف كوب ثلج او ماء بارد
( البديل البسيط = كوب ماء ساخن+ معلقة نسكافيه جولد او اي قهوة سريعة الذوبان) ونسيبه يبرد
مقاس القالب 22 في 13 سم
بنخفق صفار البيض والسكر علي حمام مائي مع التقليب المستمر لحد ما نوصل للون فاتح وقوام كريمي.
علي طول ننقل الخليط طبق تاني علشان يبرد وزيادة تأكيد نخفق بمضرب علشان ننزل حرارتة تماما.
نتأكد انه بارد ونزود جبنة ماسكربوني او اي نوع كريمي بتحبوه ومتاح مع معلقة صغيرة ڤانيليا ولازم الجبنة تكون باردة جدا .
علي جنب خفقت كوب كريمة حلويات باردة جدا ( الخفق علي سرعه عالية بدون انقطاع لحد ماالقوام يتقل ومنبالغش اوي علشان الكريمة متفصلش ).
زودت مكس الجبنة وصفار البيض علي كريمة الخفق بالتدريج وبقلب من تحت لفوق علشان احافظ علي قوام الكريمة.
القهوة ممكن تحضروها من البداية وتستنوا تبرد او بحب ازودها علي ثلج واشتغل بيها علي طول
نغمس البسكوت في القهوة بس 2 ل 3 ثواني كفاية
طبقة بسكوت بالقهوة + نصف كمية الخليط الكريمي + طبقة بسكوت بالقهوة وعلي الثلاجة مش أقل من 12 ساعه.
ونزين بكاكاو خام غير محلي
المصدر: @hebaaboelkheirofficial
