تشيز كيك كريم بروليه

| تشيز كيك كريم بروليه 🍮 | .
.
. الطبقة الأولى :
بسكوت داجستيف 150 جرام يعني ( 10 حبات ) + 60 جرام زبدة ذايبه ودافيه يعني : ربع كوب معياري .
البسكوت أحب احطه بكيس بعدين بالنشّابه كأني أفرده يتفتت ويصير كأنه مطحون خشن ثم أضيف عليه الزبده وأفركهم يندمجون زين مع بعض ..
~ الحين تكون عندي أوراق الكب كيك مرتبتها بصينيتها ثم أوزع البسكوت وأضغط عليه بشكل خفيف بس يتواسى ..
.
.
. الطبقة الثانية :
جبنة فلاديفيا 450 جرام تكون بحرارة المطبخ أخفقها خفق يدوي وأضيف عليها نص كوب سكر ثم ملعقة صغيره فانيلا وأضيف بيضتين حبه وادمجها ثم أضيف الثانيه وإذا انخلطو مع الخليط أضيف صفار بيضتين فقط صفار ..
وبصحن ثاني عميق : أضيف 125 مل كريمة خفق وأخفقها لحالها لين تتماسك وأضيفها على خليط الجبن وأقلّب بهدوء .. وخلاص الحين الخلطة جاهزة أضيفها فوق البسكوت أعبّي الورق للنهاية لأنه بينتفخ بالفرن ثم يرجع يهبط ويصير متساوي ، مو حلو يكون ناقص عن ارتفاع الورق عشان كذا أقول عبّوه للنهاية ..
ثم ندخله لفرن مسبق التسخين على درجة 150ْ بالرف الوسط مشغل من تحت أخذ مني 20 دقيقه بالضبط ،
الحين أخليه يبرد شوي بجو المطبخ ثم بالثلاجة اقل شيء ساعة يتماسك مضبوط 👌🏻
.
.
* عند التقديم :
أرش ع الوجه سكر ناعم عادي مو بودرة وأحرقه بالولاعه يتكرمل ثم عاد الزينة تكون على ذوقكم توت أو فرواله .. .
.
. وبألف عافيه على قلبكم يارب .’ ♥️