تشيز كيك التفآح 🍏
أتعب وأنا أقول أليم 😢💔 لازم تجرّبونه 👌🏻
راح أرتّب لكم المقآدير عشان ماتتعبون وقت التجهيز ويكون شغلكم مرتب 👍🏻 أول شيء الأكواب استخدمت المعياريه عشان أضمن لكم نجاح الوصفه .
نبدأ بتجهيز الطبقه الأخيره عشان نحطّها بالثلاجه لين يجي وقتها /
نجيب صحن عميق ونحط فيه :
( نصف كوب طحين أبيض + نصف كوب شوفان + نصف كوب سكر بنّي + نصف كوب جوز البيكان تكسرونه كسر صغيره + ربع م ص قرفه مطحونه + اصبع زبده ١٠٠ جرام تكون بآرده نقطعها قطع صغيره ونفركها بأطراف الأصابع مع المكونات لاتعجنونها نبيها تكون زي الفتات ) .
الحين خلصنا نحطها بالثلاجه .
الشيء الثاني : نجيب ٣ تفاحات أي نوع ونشيل القشر ونقطعها مكعبات وسط وبعدين نخلط معهم صوص التفاح ٣ملاعق كبيره تقريباً وإذا ماصلحتو الصوص عادي راح يكون لذيذ جربته بكل الحالتين لذيذ فيعني إذا ماحطيتو الصوص تحطون : ( م ك سكر بني + ربع ملعقه صغيره قرفه مطحونه وتخلطونهم مع التفاح )
والحين نجهز الصينيه تكون وسط اللي صلحت فيها مربعه مقاسها ٩انش ونحط فيها الطبقه الأولى عباره عن :
كوبين بسكوت دايجستف مطحون ناعم .
+ اصبع زبده ذايبه .
+ ثلث كوب سكر بني .
+ ربع م ص ملح .
+ ربع م ص قرفه مطحونه .
نكبسهم مضبوط بالصينيه وندخلها الفرن على درجة حراره ٣٥٠ فهرنهايت ١٠دقايق تقريباً .
وبعد مانطلعها من الفرن نحط عليها خلطة التشيز عباره عن /
٥٠٠ جرام جبنة فلاديفيا بحرارة المطبخ + نصف كوب سكر أبيض ناعم مو مطحون .
+ م ص فانيلا سائله + ملعقة طعام عصير ليمون .
+ بيضتين بحرارة المطبخ .
نخفق الجبن مع السكر لين ينعم تماماً بعدين نضيف الفانيلا وعصير الليمون وبعدين آخر شيء نضيف بيضه ونخفق واذا اختفت مع الخليط نضيف البيضه الثانيه .
وراح يكون عندنا خليط التشيز ناعم جداً .
نضيفه على طبقة البسكوت وبعدين نضيف التفاح والطبقه الأخيره اللي خليناها بالثلاجه زي الفتات نغطّي التفاح كامل ونرجع الصينيه للفرن يكون مشغل من تحت وع الرف الوسط راح تاخذ وقت من ٣٠-٣٥ دقيقه .
وأول مانطلعه من الفرن ع الثلاجه أقل شيء ٣-٤ساعات عشان يتماسك مضبوط وعند التقديم نطلعه قبل بربع ساعه إلى نص ساعه يكون بحرارة المطبخ عشان عند الأكل تكون الطبقات متناغمه مو جامده >> واضح لكم كيف أشرح من قلب 🙈 وبعدين نضيف خطوط من التوفي الثقيل بشكل مرتّب ..
وراح يتسدّحون ضيوفكم عليه ويطلبون منك الطريقه😉 وجعله صحه وعافيه يارب 💜✨
