تشيز كيك البقلاوة .. 😍👍🏽
.وصفه جديده وجداااا لذيذه وشكلها بالتقديم بطل👍🏽😍
الطبقة الاولى :
بسكوت دايجستف صغير مطحون / ربع كوب سكر بني / اصبع زبدة ذايبة
نخلطها مع بعض ونحطها بالقاعدة وندخلها الفرن من تحت لمدة 6 د
طبقة التشيز ..
2 علبة جبن فيلادلفيا / ثلاث ارباع كوب سكر بني او ابيض / 3 بيض / فانيلا / 2 م ك دقيق
نخلط السكر والجبن الين يتجانسو بعدين نضيف البيض والدقيق والفانيلا ونخلطها زين نصبها على طبقة البسكوت ونغلف صينية التشيز بطقتين قصدير ونحطها بصينية اكبر ونصب ماي حار شوي لو كثرتو بيدخل الماي في التشيز وندخلها الفرن حرارة 150 لمدة ساعة واخر ربع ساعة نولع الفرن من فوق وتحت عشان تتماسك
بعد مانخبزها نخليها جوا الفرن ساعة ترتاح بعدها تبردونها بالثلاجة يوم كامل او بالفريزر
طبقة البقلاوة ..
عجينة الجلاش قطعتها دوائر بمقاس الصينية وغطوها عشان ماتنشف / زبدة ذايبة
لحشوة البقلاوة (كوب فستق / نص كوب جوز / ربع كوب سكر ( عادي او بودرة ) / ماي ورد او زهر ) ممكن نستبدل ماء الزهر والورد والسكر ونحط بدالها شيرة
نخلط الحشوة مع بعض ونخليها على جنب
في صينية ندهن زبدة ونحط طبقة جلاش وبعدها زبدة وجلاش 8 طبقات وبعدين احط الحشوة و اكرر نفس الشي واقطعها مثلثات وادهن الوجة زبدة واخبزها في الفرن
اول مايبرد التشيز احط علية طبقة البقلاوة واشربها شيرة وازينها بفستق وبالعافية 🤗💕 ملاحظة ❌ التشيز مانطلعة من الفرن وندخلة الثلاجة
@reem_chef
