✨ تشيز كب الكوكيز من يدين عبير العميره ✨
*المقادير + الطريقه :- استخدمت الأكواب والملاعق المعياريه … .
١- اصبع زبدة ١٠٠ جرام بحرارة المطبخ تكون طريّه بس مو ذايبه ولا جامده ونضيف عليها نصف كوب سكّر بنّي + ربع كوب سكر أبيض نخلطهم مع بعض لين يندمجون .
٢- نضيف بيضه + م ص فانيلا سائله وإذا ماعندك نص ملعقه صغيره خل أبيض .
٣- كوب ونصف طحين أبيض متعدد الاستعمالات مثل : الدقيق الكويتي + نصف ملعقه صغيره ملح + ملعقه صغيره بيكنج بودر + ربع ملعقه صغيره بيكربونات الصوديوم + م ص قرفة مطحونه نخلطهم مع بعض وبعدين نضيفهم على ثلاث دفعات ونعجنهم بخفّه لين يختفي الطحين نوقّف مانطول بالخلط عشان مايقسى !👌🏻
٤- بصينية ميني كب كيك نقسم الخليط لكور متساويه راح يطلع معكم ٢٤ حبه تقريباً .
٥- نضغطهم بأداة التآرت موجودة صورتها بقناتي ع التليجرام اضغطو ع الرابط الأزرق في البايو يوصلكم للقناه ، وإذا ماعندكم عادي ينفع ( بالهآون ) أو بقاعدة فنجان صغير أو بالملعقه عادي أهم شيء تسوون حفره بالوسط 😁
جوا الحفره كسرت شوي من الجوز وحطيت فوقه قطعة توفي بعدين عبيت الحفره بخليط التشيز ..
** طريقة خليط التشيز بالخلاط /
علبة جبنة فلاديفيا ٢٠٠ جرام وإذا جبن كيري ١٢ حبه + نصف علبة حليب مكثّف محلّى + م ك طحين أبيض + م ص قرفه مطحونه ( اختياري )
نخلطهم ونعبّي من الخليط بالحفره اللي صلحناها بعجينة الكوكيز وبعدين ندخلهم لفرن مسبق التسخين مشغّل من تحت على درجة حرارة ٣٥٠ فهرنهايت راح يكفيها ١٠دقايق بالكثير ربع ساعه .
وبعدين تخلونه يبرد بحرارة المطبخ وإذا برد تصفّونه بصحن وتحطونه بالثلاجه أقل شيء ساعتين إلى ثلاث تعرفون التشيز كل ماطوّل بالثلاجه كان أطعم 😋 .
** التزيين : على حسب ذوقكم .
بالنسبه لي صلحت صوص لذيذ بالتمر :
75 جرام زبده + م ص فانيلا سائله
330 جرام سكر بنّي بالدبس =كوب ونص معياري
375 مل كريمة خفق =كوب ونص معياري .
ربع كوب تمر منزوع النوى .
نخلطهم كلهم على نار هادئه ماعدا التمر لين تذوب الزبده والسكر ، بعدين نرفع النار لين يغلي الخليط ثمن نخفف النار لمدة 5دقايق وبعدين نضيف التمر ونخلط لين يذوب ويتجانس ويصير ناعم ويثقل القوام .
